Luigi Faneyte : Economia di Corsou awor aki ta menos diversifica cu 10 aña pasa

Segun Luigi Faneyte analista politico na Corsou, ta importante pa e parlamentarionan sa cu gobierno di Corsou a bay diacuerdo cu e palabracionnan haci caba cu Hulanda for di aña pasa. Tambe sin nos ratifica y bay diacuerdo cu e preocupacionnan aki  Corsou no tin e ayudo financiero necesario pa tene pais Corsou cabes riba awa.

Segun Luigi Faneyte ta hopi interesante pa bay wak den parlamento na momento cu bay acorda e ley di consenso aki . Mi persona Luigi Faneyte kier mira cua ta e parlamentarionan cu ta bay bom e ley y wak e yiu di Corsou cara cara principalmente esun cu a perde trabao, esun cu fin di luna no tin un entrada y no por duna su famia di come y bise cu e la dicidi pa bom e ley pa e yiu di Corsou keda sin cu e ayudo financiero necesario cu nos tur practicamente ta teniendo cabes riba awa den e pais aki.

Tambe por a tuma nota cu banco central di Corsou a caba di publica pa cabes e producto interno bruto na Corsou a baha cu 10 mil florin compara cu 10 aña pasa y cu e economia di Corsou awor aki ta menos diversifica cu 10 aña pasa. Corsou practicamente despues cu rafinahe cay afo y despues cu e servicio finansiero a caya afo ta turismo ta keda e pilar mas importante y cu ta teniendo Corsou practicamente na e momentonan aki un poco riba pia.