Recientemente fundacion Cas Princesa Aruba, a eligi su 3 representantenan pa Miss Beauty Aruba 2021. Den Cas di Cultura, tres hoben a ricibi e titulonan di Princes Beauty, Little Miss Beauty y Pre Teen Beauty 2021. Princes Beauty ta Keivy-Ann Angela, Little Miss Beauty Roshnie Jairam y Pre Teen Beauty ta Jaisy-Ann Croes. E coronacion tawata den man di juffrouw Jessica Anthony. E mc tawata Addonsito Croes.
Como cu aña pasa no tawata tin certamen di Miss Beauty Aruba, e reinanan saliente Cristalyne Kock, Jeanady Oduber y Raiy-Shenne Girigorie a mantene nan titulo di 2019 pa dos aña.
Cas Princesa Aruba ta yama danki na e diseñador- y costureranan Edgar Kock, Endy Croes y Theresita Ortíz pa e trahenan di nos reinanan. Tambe Cas Princesa ta desea su tres representantenan tur exito di mundo durante nan participacion internacional.
