E siman aki den conexion cu #ConservationWeek nos ta cuminsa cu un enfoke riba Saliña Bubali, un area dorna completamente cu naturalesa! Marisol, un amante di naturalesa, a haya e oportunidad pa explora e area aki recientemente. E ecosistema di e plas no a ocurri naturalmente, pero tabata instala dor di ser humano. Durante añanan ela bira un ecosistema robusto, conoci pa un diversidad halto di especie nan di parha, cu awor bou maneho di parke nacional ta ser proteha for di desaroyo infrastructural y otro riesgonan.
Loke cu Marisol por a observa ta loke cu “Saliña Bubali tin henter un sistema ecologico na unda mata y bestia ta haci esaki nan hogar permanente of cas temporal” Marisol a compara e uzo temporal di e plas manera un time-share di naturalesa.
Den ultimo añanan un planta invasivo a tuma over na e plas, cubriendo gran parti di e awa. E planta no ta nativo di Aruba y ta haci uzo di e awa cu di otro forma lo ta habri pa e bestianan cu ta biba den awa y na nan lugar ta fungi como fuente di nutricion pa e parhanan. Meta di Fundacion Parke Nacional Aruba ta pa traha hunto cu gobernantenan pa control y maneho di e planta invasivo aki. E ta un reto grandi mirando cu e area ta den awa, haciendo e dificil pa yega na e matanan cu equipo pisa. Apesar di esaki e eco-sistema di Bubali Plas/Saliña Bubali ta manteniendo sumes sano y Fundacion Parke Nacional Aruba ta traha activamente pa e permanece di tal forma. Happy Conservation Week!
