ACM a stipulá e tarifanan variabel entrante 1 di yüli 2021. OLB lo kompensá e subida pa e luna di yüli i ta bai en buska di supsidio pa mitigá e subida aki aun mas. E tarifanan di elektrisidat variabel lo subi entrante 1 di ougùstùs 2021 ku USD 0.0394 pa kWh. Esaki a konsekuensia di subida di gastunan di kombustibel pa produkshon di koriente. E subida ta konta pa e uso di tarifa variabel i Pagabon.
E gastunan di kombustibel ku ContourGlobal Bonaire (CGB) ta hasi pa produkshon di koriente, ta ser kalkulá sin márgen pa klientenan di WEB. E oumento ta ser okashoná dor di subida di preisnan di kombustibel pa produkshon di elektrisidat. Ademas e situashon di
aki.
Bonaire Petroleum Corporation N.V (BOPEC) a kondusí na
uso temporal di “Light Fuel Oil” (LFO) en bes di Heavy Fuel Oil (HFO) ku ta mas kumbiniente. Ministerionan relevante ta trahando riba un solushon pa e problema
Komo protekshon pa klientenan, e tarifanan ta ser stipulá pa Autoriteit Consument & Markt (ACM) segun lei di Elektrisidat i Awa BES. Desaroyo di gastunan por kondusí 2 biaha pa aña na un tarifa variabel ahustá dor di ACM, na 1 di yüli i 1 di yanüari. ACM a desaroyá un modèl di kua e resultado – un subida di USD 0.0394
pa kWh entrante 1 di yüli 2021 – a ser stipulá riba dia 22 di yüni 2021.
Pa klientenan di WEB ta nifiká ku e tarifanan no ta na vigor entrante 1 di yüli 2021, sino entrante 1 di ougùstùs 2021. Esaki danki na esfuerso di Openbaar Lichaam Bonaire (OLB) ku ta tuma gastunan di e promé luna na su enkargo. Pa e motibu aki e tarifanan variabel entrante 1 di yüli 2021 ta keda igual na e tarifanan di 1 di
yanüari 2021.
Basá riba esakinan, e siguiente tarifanan variabel di elektrisidat ta konta entrante
1 di ougùstùs 2021:
Tarifa variabel (post-pago): USD 0.2948 pa kWh
(Supsidio Ministerio di EZK, Inkluyendo medidanan temporal di COVID-19)
Tarifa di Pagabon (pre-pago): Tarifa di ACM (USD 0.4983 pa kWh) kitando supsidio Ministerio di EZK (inkluyendo medidanan temporal di COVID-19), ta hasi e tarifa nobo USD 0.2948 pa kWh
Aki ta konta ku OLB den kolaborashon ku e Ministerionan ta aportá pa por mitigá tambe e oumento entrante 1 di ougùstùs 2021. Den kaso di un reakshon positivo, WEB lo tuma un desishon nobo pa tarifanan entrante 1 di ougùstùs 2021 i informá klientenan debidamente.
E kambio di tarifa ta visibel riba fakturanan for di e periodo di uso ku un fecha di inisio pa periodo di uso den ougùstùs. Pa usuarionan di pre-pago (Pagabon) e tarifa ta visibel inmediatamente entrante 1 di ougùstùs 2021. E tarifa fiho no ta ser adaptá. Esaki ta keda supsidiá kompletamente i keda na 0 dor di e medidanan temporal di COVID-19 te ku e periodo di uso ku fecha di inisio na novèmber 2020.
1 comment