Secretario di estado Raymond Knops (Asuntonan Interno y Relacionnan den Reino) ta hiba un bishita di trabou na Corsou, Bonaire y Aruba, di 3 te cu 7 di juli venidero.
E bishita di trabou ta cuminsa dia 3 di juli na Corsou, unda Knops lo hiba combersacion cu prome minister mr. Gilmar Pisas, e vice prome minister sra. Ruthmilda Larmonie-Cecilia yconseho di minister. Un encuentro cu Mgr. Luis Secco tambe ta riba e programa.
Riba 5 di juli secretario di estado ta yega Bonaire, unda e lo combersa cu gezaghebber mr. Edison Rijna y secretario di isla sra. Wendy Pelk. Secretario di estado lo bishita Plenchi di Trabou y tambe e prome cumprado di un cas via Hypotheekgarantie Bonaire. Ademas e ta bay Klein Bonaire hunto cu Stinapa pa e mes mira progreso di e plantacion di 200 palma (sabalpalm). Un bishita na hafy pier tambe ta riba e programa.
E secretario di estado ta biaha pa Aruba dia 7 di juli, unda e lo hiba combersacion cu prome minister demisionario sra. Evelyn Wever-Croes y tambe bishita Aruba Aloe.
