Presidente di parlamento Andy Thijsen tambe a keda yama na Gobernador pa e ronde nan di consulta pa duna di su parti pa e proceso di formacion di gabinete cuminsa. Den e proceso aki ta hopi importante pa presidente di parlamento tambe duna di su banda con e ta mira e situacion y tambe con e ta pensa y kico su persona ta kere ta importante, esaki ta den e cuadro di democracia di Pais Aruba tambe.
Presidente di parlamento Ady Thijsen ta duna di conoce cu nos tur sa unda nos ta para economicamente, finansieramente y socialmente pero tambe con nos ta para tambe como un estado di derecho.
Esaki ta significa cu e formacion di un gobierno nobo ta hopi importante pa e 4 añanan cu ta bin nos dilanti y ta pesey mes gobernador di Aruba a yama algun persona importante den nos comunidad pa asina duna di nan parti pa cu e formacion di gobierno di Aruba.
Sinembargo presidente di parlamento a duna di conoce cu e no por duna contenido di e reunion pero si por bisa cu ta importante cu tur esunnan cu a keda yama hunto ta trece nan puntonan di bista y pa asina tin un bista mas cla pa asina apunta un informador.
Eleccion a keda cla y e resultado tambe ta cla unda cu partido MEP tin 9 asiento, AVP 7 asiento, RAIZ 2 asiento, MAS 2 asiento y Accion 21 cu 1 asiento, esaki ta e parti cu ta forma e parlamento di Aruba y despues di esey ta bay bin un gabinete unda cu entre nan lo bay wak con nan lo bay forma un gabinete nobo.
Presidente di Parlamento Ady Thijsen ta duna di conoce cu su persona a duna contribucion na esaki. E relacion cu Hulanda tambe ta hunga un rol hopi grandi den esaki, pero no ta solamente pa Aruba so pero pa Corsou y st maarten tambe.
E decision pa e presidente di parlamento actual bira presidente di parlamento un biaha mas esey ta keda un decision di partido, pero mirando e 16 aña di experiencia y cu a fungi diferente posicion den parlamento Ady Thijsen por traha den cualkier posicion cu ser duna. Segun thijsen semper e la contribui na pais Aruba, pero semper tin un evaluacion cu decisionnan cu ta cambia.
Pero loke ta importante ta cu conhuntamente como partido ta sali afo y ta wak kende ta e personanan mas importante pa cada posicion. E funcion di presidente di parlamento semper lo keda un funcion hopi importante, pero den e cuadro cu Aruba ta na e momentonan aki , awor aki Aruba ta para den un momento cu nos mester pone e persona ideal na e luga ideal.
Na e momentonan aki no tin momento pa bay pone un persona na un posicion pa tene nan contento. Mester cera cabes hunto pa hiba Aruba dilanti y ta spera cu por keda cla cu e formacion di gobierno mas lihe cu ta posibel pa asina por sigui cu e trabaonan cu tin debi cu tin hopi cos pa haci, presidente di parlamento Ady Thijsen a expresa despues cu a sali for di reunion cu gobernador di Aruba
