Lider di POR Alan Howel a vota na Savaneta den compania di su famia. Esaki ta prome biaha cu Howell a participa den eleccion parlamentario como líder, después di renuncia di Otmar Oduber.
E ta un sentimento hopi grandi y yena di emoción, Howell a bisa. “Mi no a spera nunca di por lidera un partido den un tempo asina cortico den política. Dios ta obra pero tur cos ta pasa pa voluntad di Dios.”
E tabata compaña pa un grupo grandi di persona cu no tabata di su bario so sino di districtonan di rond Aruba. E POR NOBO tin simpatisantenan rond Aruba, c uta mustra cu tin apoyo pa e team blauw.
El a bisa di ta contento pasobra den e corto tempo cu el a tuma liderazgo di e partido, a logra haya hobennan dinamico pa subi lista, cu cooperación di algun político veterano. Den tur encuesta, el a bisa, POR a Sali na di tres luga di e partidonan mas visibel riba caminda. E ta duna nan e impresión cu pueblo ta cu POR y tin confianza den e partido aki. E ta kere cu e apoyo lo ta grandi den e eleccion.
Howell a bisa cu canando den pueblo a scucha cu e ciudadanonan ta fada di e dos partidonan tradicional. Pueblo kier duna e partidonan chukito un oportunidad único den e eleccion aki. Su deseo pa e partidonan chikito goberna y laga e grandinan bay den oposición.
Te awo no a pensa cu ken ta b ay goberna, pero a campaña pa haya e asientonan . Ora cu tin e resultado final, dependiendo kico pueblo a dicidi, lo bay den seno y mira cual ta e miho manera pa forma Gobierno.
