Den e temporada binidero Wardakosta lo ehekutá kontrolnan riba laman. E kontrolnan lo
konsentrá riba e seadoo i botonan ku ta kore na un manera iresponsabel riba laman, kantu di
bich i den e bahianan. Ultimo wikent Wardakosta a ehersé patruya di kontrol den e area parti
pariba di Kòrsou na e bichnan i laman mas bishitá pa hendenan lokal.
E patruyanan akí ta ser realisá konhuntamente ku ‘havenveiligsheidsinspectie’, Kuerpo Polisial
di Kòrsou i Duana. E outoridatnan a kontrolá diferente boto i seadoo riba nan dokumentonan
balido pa nabegá i nan komportashon riba laman (vaargedrag). Durante e kontrolnan ku a
ehersé den e wikènt ku a pasa a duna na total 9 prosèsverbal. Durante e siguiente kontrolnan
ku lo ser ehekutá Wardakosta lo bai kontrolá mas severo i lo duna but na momento ku un
persona no tene su mes na e leinan vigente. Den kaso ku ta nesesario lo pone beslag riba e
boto òf seadoo. Wardakosta ta pidi tur persona pa mantené nan mes na regla i soru pabo tin bo
dokumentonan di nabegashon huntu kubo i tene kuenta ku e medidanan di COVID-19.
Wardakosta ta avisá doñonan di boto pa hasi mantenshon regular na nan botonan. Pa propio
seguridat na bordo mester tin: sufisiente chaleko di salbabida, un flèshlait ku bateria i un pitu,
un EHBO kit, sufisiente awa, aparato pa paga kandela, VHF radio òf un sellular kargá. Evita e
chèns di un aksidente òf situashon peligroso riba laman kubo boto òf seadoo. Den kaso kubo
mester di yudansa bo por yama Wardakosta riba 913. Gosa di laman i bich na un manera seif.
