Djabièrnè último 11 di yuni den ora nan di anochi, na Jazmine Garden Restaurant.
B.F.F , Bonaire Futsal Federation a hasi Bautismo di nan uniform komo federashon. Sr Wilfrido Coffi komo invitado ta esun ku hasi bautismo.
Den diskurso di señor Wilfrido Coffi a duna informashon di e reglanan. Mirando e entusiasmo ku e BFF a kuminsa kuné apesar di situashon fèrfelu di Covid -19 ku nos a eksperensiá.
Señor Coffi ta un gran ayudo pa BFF ku su amplio eksperensia komo dirigente deportivo tantu lokal komo internashonal. Coffi ta miembro Salon di Fama na Kòrsou, tambe Coffi ta miembro di Association Mondialle de Futsal AMF.
Señor Bernoullis Ranis Presidente a hiba palabra i a informá nos di e warm-up torneo ku ta bai tuma luga na yuli awor.
Mas miembro di BFF señor Juni Piar Sekretario/ Relashonista Públiko i
Srta. J. Zambrano (Penningmeester) tambe a duna splikashon breve, di e plan nan pa futuro ku Deporte di Futsal aki na Boneiru.
Tambe nos tin ku pone enfasis, i nos a tuma nota e kantidat di interes di ekiponan inskribí i e tim nan ku ya kaba a duna nan konfirmashon di nan partisipashon.
Ta trata aki di alrededor di kasi 20 ekipo, pa e diferente kategoria nan,
pa entre ot rut o maskulino / femenina / komersial.
Algu signifikante, nos komo prensa no por keda sin menshona ku lo tin planes nan tambe pe kategoria di mucha.
Di lokual ya tin 1 ekipo konfirmá pa ku su partisipashon.
Por último nos tin ku bisa ku e Federashon aki wòrdu fundá na 12 Oktober 2020.
Un dia promé ku e federashon a kumpli 7 luna di eksistensia, a hasi boutismo di nan uniform, mirando e situashon di COVID-19 tòg ta logra yega na bautismo di uniform komo Federashon.
Pendiente pa “WARM-UP” Torneo i despues sigí pa un Kampionato ofisial.
Di nos parti un kaluroso pabien i sigi ku e bon trabou pa engrandesé nos deporte aki na Boneiru. Despues ta bai tin mas informashon alrespekto pa warm-up torneo na luna di yuli binidero.
BFF ta yama danki muy spesial na tur e otro miembro nan ku tambe sa duna nan aporte asina Federashon lo tin i logra mas meta nan konjuntamente.
Tambe un danki na gerente di Jazmine Garden ku a ofresé lokalidat.
1 comment