Ministerio di Enseñansa, Ciencia y Desaroyo Duradero maneha pa dr. Rudy Lampe di partido RED Democratico a traha desde 2017 den un forma hopi profesional. Pa mustra pueblo tur loke e Ministerio aki a haci e ultimo tres añanan a bin ta trece esaki den diferente programa na television.
E ta un programa cu ta pasa tur diadomingo anochi 7:30 na Canal 13. E programa normal tin duracion di un ora. E siman aki e lo ta mey ora pa e informacion yega miho cerca e ciudadanonan.
E programa informativo aki ta bay toca e tema di Enseñansa y innovacionnan den e area aki. Ta trata di un programa unda ta bay profundamente riba e cambionan cu a haci den e area di enseñansa, e plan di maneho y con avansa su implementacion ta.
Manera ta conoci, Minister Lampe ta para pa innovacion den Enseñansa, cu uzo di mas tanto posibel sistemanan digital. E siman aki cu a pasa a finalisa, por ehempel, un di e proyectonan importante di digitalisacion cu ta instalacion di borchi digital na Scol Xander Bogaerts na San Nicolas, cu recientemente a cambia di nomber. Esaki tabata pa duna e scol un inicio nobo.
Lo papia den e programa aki di e logronan cu e prome Scol Arubano Multi-Lingual cu a haya un acogida masha grandi mes. Den e scol aki Papiamento ta e idioma di instruccion y na banda tin idiomanan stranhero cu ta Hulandes, Spaño y Ingles. E tabata un opcion cu mayornan a pidi p’e.
Pues sintonisa Telearuba diadomingo pa 7:30 di anochi.
