E programa di siman pasa di minister Rudy Lampe a duna hopi información y esaki lo continua pa pueblo ta na altura di tur e trabounan haci den e sector aki.
Tur e programanan ta enfoca den e cambionan haci den Enseñansa den cuadro di e Plan Nacionl di Enseñansa 2020 – 2030. Minister Lampe ta orguyoso di loke cu e team a logra, a pesar di e crisis cu Aruba ta den dje debi na e pandemia.
Diadomingo awo pa 7.30 di anochi na Telearuba lo bay enfoca riba dos proyecto masa importante pa Enseñansa. Ta trata di proyectonan cu tin di haber cu Digitalisacion di Educacion. Digitalisacion ta hunga un rol importante den e mundo moderno. Hopi país a pasa pa cuminsa cu otro era den educacion di mucha y hobennan. Esaki tambe ta e vision di Minister Rudy Lampe, poni den e plan di accion.
Ya caba tabatin dos programa informativo. E siguientenan lo pasa riba dianan 6, 13 y 20 di juni awo.
Haya sa mas di digitalisacion den educacion na Aruba sintonisa TeleAruba
