Hof sigur no ta aproba e critica di politiconan riba un di e podernan di Trias Politico. Esaki Persrechter mr. Debby Angela a bisa durante un conferencia di prensa.
Nan ta haya cu no por papia di persecución político pa motibo cu henter e procedura bou cual Ministerio Publico ta traha ta bon hinca den control, cu tur e controlnan necesario. E ta fastioso, el a bisa, cu como politico bo bay ataca un di e podernan ey. E ta duna e impresion cu e politico no ta confia e sistema di estado democratico y lo crea e sentimento cu e pueblo tampoco por confia den OM.
Vicepresidente di Hof Jacques van Keultjas a bisa cu como Hues nan mester mantene nan mes na leynan. Nan ta haya e casonan den nan man y ta trata esaki. Un huez no por expresa nan mes riba un caso. Tampoco por huzga un caso di e mesun forma cu OM of Abogado ta mira un caso. Nan mester basa nan mes solamente riba ley.
El a bisa tambe cu un persona ta inocente te ora cu demostra lo contrario. Tur e procedura prome cu esey ta bay via di reglanan legal; durante huiszoeking tin un Hues presente; y detencion tambe ta wordo evalua riba criterianan legal. Si OM y Polis no cumpli cu esaki, no por sigui nan peticion. Pero tambe un hues ta evalua si tin suficiente base pa sigui mantene un hende deteni, teniendo cuenta cu diferente criteria. Un Hues ta controla a base di hermentnan legal loke cu presenta na dje.
Durante e audiencia lo evalua si un persona ta bira sospechoso pasobra tin suficiente prueba. Si e sospechoso no ta di acuerdo, e por bay Hof. “Rechtspraaki lo no mete nunca cu politica.”
