Despues cu Guarda Nos Costa a detene un persona cu nacionalidad Colombiano na pia di trabou como dentista diahuebs ultimo, awe a drenta informacion cu e lo bandona Aruba.
E persona masculino a keda deteni na su oficina den Dakota unda e ta atende su cliente no pa un siman ni un luna, pero pa varios aña y publicamente. Ta masha hopi cliente e tin, sin cu el a regla su documentonan debidamente.
Funcionarionan di seccion di Inspeccion di Salubridad Publico a bay controla e luga despues di varios reclamo y a constata cu no tur cos ta na ordo, pa cual a ordena pa cera e oficina y a pone Guarda Nos Costa na altura.
Mientras cu Salubridad Publico ta haci su investigacion, a dicidi di laga e homber den libertad cu e ordo cu e mester raporta na Warda Nos Costa, tur dia, ya cu no tin vuelo humanitario.
Mientrastanto por a compronde, cu e mes a dicidi di cumpra su pasashi y ta bandona Aruba den fin di siman. E lo no por drenta Aruba te ora cu e tin tur su documentonan debidamente regla manera tur otro persona stranhero. Ki ta bay pasa cu tur su pashentnan no ta conoci
Bon trabao di Guarda nos costa y DVG
