Como ultimo paso e fundacion a tuma e iniciativa pa haci un analisis hopi mas profundo cu hopi mas experticio riba e funcionamento di Aruba su identidadnan principal pa vigila integridad. E fundacion a pone e investigacion aki den man di un grupo na Hulanda cu ya caba tin experiencia den e investigacionnan aki pero cu ta bao di guia di Willeke Slingerland cu par di aña pasa a participa den e prome sympocuim cu a keda organisa na Aruba.
Sinembargo ya caba Willeke Slingerland a haci e analisis aki na Hulanda unda cu e la keda bon prepara pa por haci e tipo di trabao nan aki y a hacie den practica na Hulanda y abase di e experiencia cu e tin a haci peticion na su persona pa a haci e mes un tipo di analisis aki pa Aruba pa asina e fundacion por caba cu e prome face di trabao como fundacion.
Segun Armand Hessels loke cu a ricibi basta atencion ta e echo cu pa trece henter e concepto di bon y mal gobernacion na Aruba den e discusion di comunidad a organisa te cu awor dos simposio, uno ta pa splica di e consecuencianan di mal gobernacion y e otro sympocio cu tabata un exito total tabata e symposio di aña 2019 na unda cu a haya e colaboracion di prome minister di Aruba , presidente di banco central , lider di fraccion di partido MEP , procurador general cu a duna di conoce cu pakico bon
gobernacion ta asina importante y e efecto positivo cu e ta bay haci riba comunidad y naturalmente e necesidad e ora ey pa elimina e mal gobernacion ta asina importante.
Segun Armand Hessel den e presentacion di e presidente di banco central e tempo ey por a ripara cu e persepcion di corupcion den pueblo di Aruba ta masha halto mes. E tempo ey a menciona e cifra di 75 pa 80 porciento y a ripiti e mes un encuesta dos tres biaha mas y ultimamente e persepcion ey a subi te casi 100%, esey kiermen cu na Aruba hende ta convenci cu corupcion ainda ta manda den gobernacion. Segun Armand Hessels esey ta algo sumamente negativo. Den e caso aki por tuma nota cu gobierno ta reconoce e parti aki tambe.