Eleccion 2021 a bay completemante diferente cu loke comunidad y partidonan a custumbra cu ne. E anja aki tin hopi mas regla cu normal y na e entregamento di lista por a tuma nota di e cambionan aki y con profecional tur cos a cana. Vocero di cuerpo policial Lito Lacle ta duna di conoce e tarea di cuerpo policial ta pa pone ordo publico y mobilidad. Den e caso di entregamento di lista por a mira cu tur rond di censo ta sera cu baricada y e auto cu ta baha e politico cu mester haci entrega di e lista lo mester baha parti di patras di censo pa asina despues drenta y subi parti Ariba di e edificio. Tambe cuerpo policial ta atende cu e parti di comunicacion pa e conseho electoral. Un total di 75 polis ta riba pia a cu e entregamento di lista. No tabata permiti pa tin parada y esaki mayoria partido a cumpli cu ne. Cuerpo policial tin varios dia cu tabata sinta cu e partidonan politico y a yega na sierto reglanan. E weekend prome cu entregamento di lista tabatatin 28 asistencia cu a tuma luga pa e partidonan politico , pero di e 28 asistencianan cu a bay 20 di nan tabata positivo, pero hopi hende a tuma esaki den e parti negativo.
Pa loke ta trata pa e fecha di eleccion mes e deso tey pa tur cos cana trankil manera entregamento di lista a tuma luga. Loke ta primordial ta e situacion di aglomeracino di hende unda cu e virus ta tur caminda y cu por haci efecto. Segun Vocero di KPA nos no mester lubida kico a pasa na eleccion di corsou unda cu nan tabatatin un cantidad grandi di casonan activo cu a keda registra despues di eleccion. Importante ta cu e partidonan politico comporta nan mes bon y nan comportacion tambe ta pesa hopi den e temporada aki di eleccion tambe. Ta spera cu eleccion bay den mes un trankilidad.
