Berguensa pa mira un bar local traha un comercial promoviendo alcohol y locura den caya grandi. Sinembargo no ta solamente ta promove e alcohol bao di nos hubentud cu ya caba tin basta problema grandi cu alcohol, pero tambe ta falta respet pa nos artistanan local unda cu ta prohibi pa subi riba e cabaynan blauw cu a keda specialmente traha pa por conta e historia di Aruba unda cu nos turistanan por sa mas di Aruba.
Comunidad di Aruba rabia cu e echo cu ta perde respet pa nos artistanan local. E cabay blauw nan a keda traha dor di e artista Osaira Muyale unda cu e proyecto yama Paarden Baai, unda cu nan a keda poni den varios skina di caya principal for di 2015 pa asina duna homenahe na e storia di Aruba Horse trading industry . E industria aki tabata significa hopi pa Aruba.
Sinembargo awe por mira cu un bar cu ta keda maneha dor di un hoben politico markson maduro cu mester ta mas consciente y cu mester duna e ehempel na e futuro generacion indicando cu e tipo di actonan aki no ta corecto ta haci lo contrario. Mas ainda si ta trata di un mucha muhe cu ta traha den crisisteam cu ta esnan cu mas ainda mester por balora y duna ehempel.
Nos hobennan mester ta consciente cu mester cuida nos infrastructura y aprecia y balora cada arte di nos artistanan local cu ta conta e historia di Aruba cu turistanan ta haya e gana di bin Aruba pa haya sa mas di nos Aruba y asina tambe e comercio y e propio bar den caya por genera entrada di nos mes un turistanan y local. Sinembargo nos mes ta duna e mal ehempel na nos turistanan enbes di duna e bon ehempel aprecia y respeta nos cultura y nos mes como hoben.
Nos mester siña respeta y balora loke ta di nos
