Parlamentario Endy Croes a tuma nota cu e “barco” cu jama Ministerio Publico a cuminsa nabega. Ministerio Publico tin su mannan jen cu un caso cual ta wordo considera e caso di corupcion di mas grandi den historia di Aruba. Como cu e caso tin di haber cu tereno y tera a duna e caso aki e nomber di Avestruz. E sospechoso principal y primordial den e caso aki ta x minister di AVP Benny Sevinger y tambe Leoncita Arends. E ultimo aki Leoncita Arends ta esun cu pa 8 aña largo a acusa tur hendenan di MEP pa ladron y tabata “goza” cu su programa na radio tur dia cu un cancion “Busjie komt zo” desde cu MEP a sali for di gobierno na 2009. Por corda con tur dia ta habri microfono nan di Canal 90 pa asina laga conseheronan di AVP riba payroll di gobierno lastra tur hende di MEP creando asina un “imagen” negativo y di corupcion contra politiconan di MEP. Sinembargo e strategia di Mike Eman, Benny Sevinger y Leoncita tabata pa crusifica esnan inocente mientrastanto nan tabata “strika” miyones den un construcion di bendemento di tereno cual nan tabata haña como optie comercial door di Benny.
/// Benny Sevinger su saya ta na candela:
Benny Sevinger su saya ta na candela. Benny Sevinger ta masha masha amigo di Leoncita. Benny x minister di AVP ta e sospechoso principal. Asina Benny a coopera hasiendo mal uso di su poder pa aproba tur peticion cu Leoncita tabata manda aden. Hasta peticion riba NV cu na e momentonan ey no tabata existi oficialmente tabata logra haña optie riba tereno comercial pa despues bende e sharesnan di e NV pa miyones unda e optie y e tereno ta bay pa e doño nobo pa miyones. Recientemente Ministerio Publico a lanta un jui muher di Leoncita. Tristo pa mira con un mama haragan pa placa a hinka su propio jui den un problema grandi awe cu husticia. E tempo aya cu apenas 19 aña a pone un NV riba nomber di e jui, pone e “mucha” firma pa e peticion, a haña for di Benny mesora “optie riba tereno comercial” unda ya tabata tin cumprador enespera pa esaki. A bende e NV pa miyones y a cobra miyon na comision. ( Elenath NV). Unda un criatura di apenas 19 aña por tin e placa pa cosntrui un condominuim na Sasaki na balor di 22 miyon us dollar? Tristo ora Bo repasa e documentonan den e caso di Benny Sevinger y Leoncita Arends doño di Canal 90. Pueblo por corda e jamada cu nan a graba di Leoncita na Minister Eman e tempo aya” e cheque ta kla”?. Pues ora bo sigui e patronchi di e pandiya criminal organisa pa Benny y Leoncita por tuma nota cu pa “placa” nan ta bende hasta nan propio alma. Awor despues di 3 aña di investigacion profundo Ministerio Publico ta concluyendo y serando e investigacion a bay over pa cuminsa piki hende. Esaki ta parti di e proceso normal di un investigacion. Benny Sevinger nos a compronde tin masha problema pa drumi. Tur marduga bisiña nan ta nota un luz chiquito cendi den cura di Benny y ta mire Benny ta cana masha hopi rond di su pool den cura di cas. Pues sea e ta medita, sea e ta armando su storia pa defende su mes of sea e ta preparando su mes mentalmente pa Santo Patia. “KIA ta mi cas”.
Segun por a compronde entre Benny y Leoncita, famia y amigonan a bende 90 mil M2 meter di tereno comercial unda na comision solamente e grupo a “strica” 30 miyon na comision. Benny no a deal cu Leoncita so. Asina tin hopi mas. Parlamentario Endy Croes a termina bisando no hasi nunca cu otro locual Bo no kier nan hasi cu Bo. Boso a instiga, mal usa, maltrata, chwercha, trata na kibra caracter di hopi di esnan di MEP cu storianan falso pa logra kita atencion di henter pueblo pa boso comete boso fechorianan corumpiendo henter nos systema hortando nos pais pa yena boso cartera. Awe e berdad ta bounce y kibra bek den boso cara pa pueblo sa realmente ta ken boso ta. Boso “busjie komt zo” desde november 2009 ta coriendo rond pero porfin el a haña e ruta corecto. Keda pendiente! Nunca pero nunca mas un hende por vota pa AVP.