Dia 31 di mart 1971 mi a dal mi promé pasonan den e mundu di medio i komunikashon. Awor 18263 dia, 2609 siman, 600 luna, 50 aña, un mei siglo i pa ami apénas un suspiro despues, mi por wak bek riba un bida yen di reto i akontesimentu. Lo mi kièr a selebrá mi aniversario di un forma ekstrabagante ku boso pero e situashon aktual no ta permití esaki.
Pero boso konosé mi. Mi no ta laga Covid stroba mi fiesta. Simplemente nos ta posponé un ratu.
Huntu ku boso mi a mira e mundu kambia, i a krese kune. Asina mes, krese kune, pero ami si no a kambia. What you see is still what you get. E mucha muhé fresku, yen di kurashi e tempunan aya, a krese bira un Personalidat di Televishon, awor mas mòndu ku nunka.
Na luna di mei nos lo selebrá, mi ta hiba boso bek den tempu, pero wak prinsipalmente pa dilanti.
