Di acuerdo cu articulo 2 di e Tratado International di Derecho di Mucha (No discriminacion), paisnan cu a ratifica e tratado aki ta respeta y garantisa e derecho di tur mucha pa no ser discrimina, mester respeta su genero, origen, religion, antecedente cultural, orientacion sexual of tur otro tipo di e aspecto relevante. Aruba tamba a ratifica e tratado, y esaki mester ser respeta y garantisa na Aruba tambe.
Na 2020 e Pandemia di COVID-19 a presenta y a ocasiona un impacto negativo na mundo. E Pandemia di COVID-19 a haci e situacion di desigualdad na otro paisnan y tambe na Aruba mas severo. Esaki a afecta e gruponan vulnerabel mas hopi. E gruponan vulnerabel ta consisti di ancianonan, personanan deshabilita, muchanan, hende muher y migrantenan y refugiadonan. E gruponan aki mas y mas ta experienciando un of otro forma di discriminacion.
Basa ariba esaki y cumpliendo cu su mision y vision pa traha pa e derechonan di mucha, Fundacion Telefon pa Hubentud Aruba a crea e workshop “Igualdad”. Cu e workshop aki Fundacion Telefon pa Hubentud Aruba kier yuda crea, fortalesa y apoya un infancia husto, igual y sigur pa tur mucha y hoben na Aruba.
Igualdad ta un workshop caminda muchanan/ hobenan di klas 4 di scol basico te cu klas 4 di scol secundario lo ricibi informacion tocante di igualdad na un manera interactivo. E mucha/ hoben ta ser stimula pa comparti su pensamento y experiencia cu igualdad y discriminacion. Durante e workshop ta trata derechonan universal, SDG’s y Derecho di Mucha. Hunto cu e mucha/ hoben ta debati tocante con e derechonan aki ta ser implementa aki na Aruba. Finalmente ta concientiza e mucha y hoben ariba e importancia di biba, traha y pensa hunto. Cu kisas awor aki bo persona ta bibando na bo pais, pero mayan door di estudio, trabao of motibonan medico, bo por ta bibando den un otro pais.
Pa mas informacion tocante di e workshop di Igualdad por tuma contacto cu Fundacion Telefon pa Hubentud Aruba via nos facebook: https://www.facebook.com/telefon.hubentud/, email: telhubentud@gmail.com of telefon 5886138/ 5884011.