Aktualmente tin 371 kaso aktivo di Covid-19 na Boneiru. Di e 38 resultadonan di tèst ku a drenta, 16 a resultá di ta positivo. 38 hende a rekuperá di Covid-19. En total tin 16 persona den hospital. Tin 14 persona hospitalisá na Boneiru, bou di nan tin 5 ku ta ta haña kuido intensivo. Tin 1 persona den hospital na Kòrsou i 1 persona ta den hospital na Aruba.
Ta importante pa ora bo tin keho bai tèst. Importante ta pa keda warda den karentena. No sali pa bo no kontagiá otro persona. Keda kas pa no kontagia otro persona pafó. Pa baha e sifra di kontagio ta importante pa mantené e reglanan di higiena. Tene 1,5 meter distansia i laba man ku awa i habon pa evitá kontagio ku e vírùs di corona.
Bo tin keintura, doló di garganta òf kualke otro síntoma relatá na Covid-19? Keda bo kas i yama 0800-0800. Mantené e instrukshonnan di higiena. Kome salú, drumi sufisiente i move regular pa hisa bo resistensia. Kuida bo mes i esnan rònt di bo.
1 comment