Riba 11 di maart Raad van State di Reino a duna conseho tocante e lei di Reino pa institucion di COHO. Den un consulta riba 18 di mart entre secretario di estado Knops y e tres prome ministernan di e paisnan a palabrá, manera ta custumber segun lei ora ta trata consehonan di Raad van State, cu e conseho ta confidencial y cu ta publica esaki numa, ora e concepto di lei y e reaccion conhunto di e cuater paisnan riba esey keda manda pa Tweede Kamer y e Parlamentonan.
Pa motibo cu e conseho confidencial aparentemente ya a lek caba y reparti ampliamente, loke nos ta lamenta, secretario di estado Knops riba conseho di Raad van State y den coordinacion cu e paisnan, awor ta publica e conseho.
Den e conseho di Raad van State e núcleo di e proposishon di lei ta keda mantené. Echo ta cu den e conseho tin para cu ta logico cu Hulanda ta pone condicionnan pa dunamento di sosten finansiero. Mas aleu ta bon pa remarca cu, contrario na loke nan ta sugeri den diferente media, e proposicion di lei no ta den violashon cu Statuut. Ta usual cu Raad van State ta wak e leinan cu un bista critico y nos lo drenta den consulta cu e paisnan tocante esey.
Entretantu ya nos tin algun luna caba trahando cu Corsou, Aruba y Sint Maarten pa a base di e pakete di paisnan, concretisa e agendanan di ehecucion. Den esaki ta realisando progresonan concreto. Esaki ta sosode, manera e prome ministernan di tur e tres paisnan a duna di conose caba, den bon cooperacion cu e Paisnan. E bon cooperacion ey nos ta spera di por continua tambe ora di formula e reaccion riba e conseho di Raad van State.
