Parlamentario Endy Croes ta splica cu tin hopi facetanan den nos historia cu nos hobennan mester sa y cu no mag di wordo troci tampoco lubida. AVP ta un partido corupto y manipulador pero ademas di esaki historia ta testigo cu AVP ta TRAIDOR. Betico Croes a manda un palabra di advertencia pa AVP dia di e reunion cu si AVP vota contra Himno y Bandera nan lo wordo graba den historia di Aruba como tal. Den corant Amigoe di Aruba di 18 di maart 1976 nos a reproduci artikelnan aki alaves por a confirma e votacion con AVP y PPA pa rasonan politico a vota contra nos Himno y Bandera.
/// AVP a vota contra Himno y Bandera:
Dia 16 di maart 1976 Conseho Insular esta Eilandsraad a trata dos ley tanto pa nos Himno y tambe pa Bandera. Nelson Oduber e diputado encarga cu Cultura a toca e honor pa defende e leynan historico aki den un reunion di eilandsraad. Por a lesa varios artikel den Amigoe di Aruba di e temponan aya y awe lo cita algun passages. “Betico Croes stelde duidelijk aan dat indien de PPA en AVP tegen zouden stemmen dit in de geschiedenis van ons eiland geschreven zou worden”. Na final di e reunion a bay over na votacion. Pa locual ta Himno e votacion a termina cu 14 voto na fabor y 5 voto contra. Domi Tromp di PPA a sostene e himno bisando cu e Himno ya caba ta un cancion conosi y popular y no tabata contra pa esaki bira e Himno oficial. Momento a bay over pa vota pa nos bandera aki si Domi Tromp di PPA e tempo aya hunto cu AVP a vota contra. Pues AVP y PPA a vota CONTRA nos Bandera. Votacion aki a sali 13 na fabor cual tabata partido MEP cu a vota VOOR y 6 contra ( AVP y PPA). Hecho ta cu AVP te cu awe ta usa e fecha aki pa celebra pero den historia e nomber di AVP lo keda graba y claba como un partido traidor kende a vota contra nos Himno y nos Bandera. Por a tuma nota cu hustamente AVP ayera ta usa 18 di maart un dia nacional pa core campaña y tabata plak sticker “Aruba ta mi cas”. Asina manipulador AVP ta y nan lo no cambia nunca. E sticker di AVP tabata falta un pida na final “Aruba ta mi isla cu mi a Desgracia” cual ta cay hopi mas serca di nan propio actonan di 8 aña di gobernacion di AVP. Danki na partido Movimiento Electoral di Pueblo y e vision di Betico Croes cu awe e instrumentonan manera Himno y Bandera a bira un realidad. Danki na miembronan balente di eilandsraad di MEP e tempo aya kendenan a vota VOOR pa awe Aruba tin su Himno y Bandera. Sinembergo historia ta mustra cu AVP y ta conosi pa boycotea tur cos cu ta bon pa Aruba. Referendum na 1977 AVP a manda tuer hende bay lama y no vota pa Aruba su Status Aparte. Esaki tambe ta graba den historia. Tracion di AVP pa vota contra di nos Himno y Bandera hamas mester wordo pordona. Masha Danki AVP!
