Dia di Himno y bandera tabata un dia importante pa Aruba. Manera custumber tur anja tin fiesta y actividadnan tur caminda. Sinembargo desde cu Coronavirus ta na Aruba y cu e cifranan ta bira mas halto mester atene na e reglanan cu tin. Un di e reglanan esencial ta pa uza tapaboca, pero tambe preveni gruponan y keda cu un distancia di 2 meter for di otro. Dia di Himno y bandera Aruba a demostra di no ta tene cuenta cu nada y e consecuancia di esaki ta cu e cifranan pa dia a subi y lo sigui subi drasticamente.
Aruba no tin solamente e version original di COVID-19 , pero tin varios variante hopi mas peligroso na Aruba. Pero cu e actuacion di e comunidad di Aruba dia 18 di Maart 2021 Aruba lo bay dal un otro buelta y ta drenta e di tres ola di coronavirus. Esaki ta significa cu medidanan lo keda un biaha mas implementa y mas severo.
Dia 18 di maart 2021 por a tuma nota tur caminda tabatatin gruponan di hobennan y tambe alcohol ta hunga un rol. Polisnan tabatatin man nan yen y cu mester atende cu e aglomeracion di hende riba caya cu ta pone nan mes tambe den risico, aunke nan ta un grupo esencial ainda polisnan no a haya e vacuna pa por keda protegi tampoco.
Aki un siman lo mira y lo haya sa di e consecuencia di e acto aki di salida dia di Himno y bandera, prinsipalmente entre nos hobbennan cu tabata aglomera tur caminda. Loke ta di lamenta cu cada persona cu a disfruta y hasi tur lo contrario di e reglanan stipula ta bay nan cas y por pega nan famia y of hendenan inosente nan na cas manera nan mayornan y of wela y welo.
