173 miembro femenino di e team di e resort pa participa. E desayuno a wordo sirbi por medio di un crew completo di hende homber, como un toke di aprecio.
Nacionnan Uni a reconoce 8 di Maart manera Dia Internacional di Hende Muhe pa prome biaha na 1975, subrayando e diferente rolnan cu hende muhe ta hunga den nan mesun hogar, den nos comunidad y isla.
“Nos ta sinti specialmente fortuna akinan,” Director di Recurso Humano, Glenn Farro ta bisa, “di e 173 hende muhe cu ta traha na e resort, nos tin 133 den diferente departamento manera hospitalidad front runners, hunto cu 22 supervisor femenino, 13 managers, 3 hefe di departamento y un miembro di comision ehecutivo, tur disfrutando di un salario husto y beneficionan igual na nan ekivalentenan masculino.”
Na Hilton Aruba Caribbean Resort & Casino hende muhe ta manda: 52.7% di e miembronan di e team ta femenino, y mientras cu nan ta mantene nan mesun identidad nan ta surpasa tur reto, dedicando recursonan y tempo pa nan famia, amigonan y comunidadnan, na cas y trabao.
Durante e desayuno di Dia di Hende Muhe, General Manager Vasco Baselli a subraya riba e compania su compromiso na diversidad y inclusion, enfrentando tur retonan y metanan hunto, cu hende muhe den posicionnan clave di liderazgo, den un ambiente amistoso, safe y sostenedo. E resort a continuamente concentra na brinda nan miembronan di team femenino hermentnan pa trata cu situacionan relata na genero, specialmente den violencia contra hende muhe. “Nos ta comprometi na crea un ambiente di trabao inclusivo, brindando oportunidadnan pa hendenan muhe prospera,” Baselli a bisa en su palabranan caluroso.
Hendenan muhe na Hilton ta continua di demostra resistencia sin igual, liderazgo y simpatia dia tras di dia, y semper ta un inspiracion pa mira con hospitalidad ta sigui briya, apesar di ta pasando den e temponan di mas dificil.
Hunto, e isla y e resort tin un futuro increiblemente prometedor por medio di un compromiso mutuo na un cultura tolerante. Akinan, nos no ta solamente celebra hende muhe durante e luna aki, pero tur dia di henter e aña.
