Parlamentario Endy Croes ta precupa cu e velocidad cu e investigacion di caso Avestruz di Benny Sevinger x minister di AVP ta canando. Enberdad ta trata di e caso di mas grandi den historia di corupcion y fraude cu tereno nan di pais Aruba. Desde Februari 2018 a entrega un keho oficial solido y bon documenta na Ministerio Publico. Dia 1 di october 2019 Ministerio Publico a hasi un “inval” den cas di entre otro Benny Sevinger y Leoncita Arends di canal 90. Masha hopi conspiracion entre e amigonan aki. Dia 13 di Januari 2021 Ministerio Publico a bolbe drenta cas di Benny Sevinger di AVP pa di dos biaha. A drenta diferente casnan na Aruba, Corsow y St Maarten. Te hasta na Panama a bishista oficina di abogado di amiga di Benny. Investigacion a cumpli 3 aña andando. Pueblo ta precupa y ta perdiendo confiansa den Ministerio Publico y como portavoz di pueblo Parlamentario Endy Croes mester expresa e sentimiento cu ta biba den pueblo. Alavez ta splica pueblo tambe cu ta trata di un caso hopi grandi unda tin mas di 50 miyon florin den wega.
Con e corupcion tabata tuma lugar:?
Benny Sevinger x minister di AVP a hasi mal uso di su poder como minister facilitando “friends and family” optie riba terenonan comercial. Friends & family nan aki ta core lanta NV y asina ricibi optie pa tereno comercial riba un NV cu ni a caba di wordo lanta na Notaris. Mientrastranto tin cumpradornan kla regla caba y asina e cumprador aki ta cumpra shares di e NV pa haña e optie cu e sharesnan aki. Asina por ehempel a bende un solo tereno pa 3.5 miyon us dollar. Benny Sevinger “willens en weten” tabata brinda su cooperacion. Alaves Benny tabata firma “akkoord” riba peticion antidateerd cu fechanan falso cu ni ta cuadra otorgando tereno den menos di un siman. Pues aki Benny a comete valsheid in geschrifte. Asina tin tantisimo prueba palpable unda Benny pronto lo mester duna cuenta dilanti mesa berde. Esakinan entre otro tin pueblo hopi precupa pa e velocidad cu e investigacion ta andando. Benny ta wordo acusa pa 5 keho oficial y no por sali liber sin mas. Pueblo rogando Ministerio Publico pa husticia. Parlamentario Endy Croes terminando ta pidi pueblo un poco mas pasenshi pero lo keda alerto rond desaroyo di henter e proceso aki.
