Kontinuando ku un investigashon den un kaso di atrako kometé dia 13 di febrüari 2021 riba
un establesimentu den área di Punda, polis a hasi un detenshon. Djamars 2 di mart 2021, alrededor di 05.00 or, tim di aresto konhuntamente ku e tim di atrako a detené e hòmber sospechoso Q.J.Ph. di 28 aña di edat, nasé na Kòrsou. E detenshon di e sospechoso a tuma lugá na un adrès den área di Ser’i Domi.
A presentá e sospechoso dilanti di un fiskal ouksiliar ku a ordená su enkarselamentu,
pendiente di mas investigashon.
