Riba dialuna 1 di maart 2021 Gobernador di Aruba, Su Excelencia Alfonso Boekhoudt, a ricibi Señor Ernst Noorman (Embahador di Reino na Bogota, Colombia) pa un audiencia na Cas Ceremonial di Gobernador. Durante di e bishita aki, miembro di e delegacion Thys Hoekman (Prome Secretario di Asuntonan Politico), como tambe Ghislaine Nicolaas (Beleidsmedewerker Directie Buitenlandse Betrekkingen) a acompaña Señor Noorman.
Como embahador na Bogota recien nomina, Señor Noorman ta realisa un bishita di trabou na Aruba como un introduccion oficial. E temanan cu a trata ta inclui entre otro comercio, siguridad alimentario y tambe e vinculonan historico, comercial y cultural entre Aruba y Colombia.
