Segun Parlamentario Mervin Wyatt-Ras, durante conferencia di prensa di fraccion di AVP, ta importante ta pa trata nos Codigo Civil den Parlamento. Esaki asina yama “Aanpassingsverordening aanvulling Burgerlijk Wetboek van Aruba”, cual ley a drenta Parlamento dia 19 di september 2019. Ya caba dia 8 di september 2016 Parlamento a aproba e “Ontwerplandsverordening tot wijziging van het Burgerlijk Wetboek(BW) (AB 1989 no. GT 100) i.v.m. een aantal onderwerpen die nog een regeling of aanpassing in het BWA behoeven (Aanvulling BWA) ZJ (2013-2014-784)”. Awor ta necesario pa e BW di 2016 por wordo implementa. Pues despues di casi 5 anja e cambionan den BW no a ser inplementa. Wyatt-Ras a mustra 2 paki di ley y tin un mas pa asina mustra con hopi e cambionan ta. E cambionan den BW ta hopi amplio cu ta necesario pa nan por bin na vigor.
Ta bin cambio den Buki 1, 3, 4 y 7.
Buki 1: ta ensera cambio di e namenrecht esta derecho di nomber, cambio di e huwelijksvermogenrecht, e hecho cu por asumi e rol como tata den introduccion di gerechtelijke vaststelling di vaderschap y cambio di areglo di ouderlijk gezag of outoridad di mayor, en especial ora di divorcio.
Buki 3 ta trata trust y ta regla onverdeeld gebleven boedels.
Buki 4 ta trata reforma total di erfrecht, amplia e derecho di e pareha cu ta keda biba mas largo, esta e langslevende echtgenoot, esta e pareha cu ta keda na bida ta ricibi mas proteccion.
Buki 7 ta trata areglo di compra di cas y di compra riba distancia.
Alabes tin otro cambionan manera: Titel 3: schenking (regalo), Titel 4: huur, Titel 10: acuerdo laboral(arbeidsovereenkomst), Titel 12 trabou/laboral, Titel 13: personenvennootschap, Titel 17 y 18: aseguro y lijfrente.
Hopi aspectonan di e ley cu ta wordo cambia. Varios di nan ta trata derechonan di nos muchanan of menornan di edad.
Wyatt-Ras a menciona cambionan cu ta wordo tresi den Articulo 5. E articulo aki ta haya 14 articulo.
Articulo 5. ta trata escohencia di geslachtsnaam of fam di tata y mama of combinacion di esaki. Aki tin varios articulo. Paso un mucha tin derecho ariba su nomber y fam. Ta amplia e derecho di hende muher paso den escohencia di fam e mucha por carga un of mas fam, entre nan e fam di e mama tambe. Den paisnan Latino e derecho aki ya ta usual, sinembargo aki na Aruba te cu awor tabata carga fam di e tata so.
Den caso cu tin discucion esey por bai via di huez ken lo haci su veredicto. Ora di adopcion tambe por bin cambio di nomber favoreciendo e hende muher tambe y ora un mucha yega mayor di edad e por pidi pa haci cambio di su nomber, te maximo 5 anja despues cu e bira mayor di edad.
Por bisa cu durante tratamento di e Codigo Civil cu a ser aproba na 2016, Wyatt-Ras como presidente di e comision di Salubridad y Asuntonan Social hunto cu e presidente di e comision di asuntonan Juridico, sr. Desiree de Sousa-Croes a reuni cu un cantidad di stakeholders riba tereno social cu ta traha cu menornan y cu instancianan judicial, incluyendo Censo pa asina haya feedback ariba e diferente articulonan y tambe e aspectonan cu ta regarda dunamento di nomber na un menor.
Pa loke ta trata e titel 6 te cu 8 encuanto derecho y obligacionnan di echtgenoten, of casanan por bisa cu den Articulo 84. ta stipula cu gastonan di cuido y educacion di muchanan ta na encargo di e mayornan casa. Aki ta mustra cu mayornan mester carga responsabilidad pa nan yiunan.
Articulo 199b. ta indica cu un persona of un mucha tin derecho di sa ken ta su mayor biologico. Esaki ta hopi importante pa desaroyo di un mucha y den caso e dicidi cu e kier tambe pa e wordo reconoci dor di su tata, esaki mester ta posibel. E tata, tambe si e ta den un otro matrimonio, e por reconoce su yiu.
Articulo 207. ta stipula cu ora un tata fayece ainda por fiha cu e tabata tata di un persona. E mucha por haya cierto derecho y esaki por bai te na nacemento di e mucha.
Articulo 208. ta stipula cu ora huez dicidi encuanto vaderschap (of ken ta e tata) e por exihi pa e tata otorga un aporte den gastonan di educacion y cuido di e mucha. Tambe den gastonan di mantencion y di estudio. Esey ta di importancia pa desaroyo di un ser humano. Aki ta mustra cu tatanan ta haya hopi atencion den bida y educacion di nan yui. Den otro articulonan manera Articulo 5. ta duna mama mas derecho, p.e. ora di haya nomber.
Un otro cambio ta den Titel 13. Entre seccion 3 y 4 ta agrega Seccion 3A., esta Advies en meldpunt voor kindermishandeling.
Den Articulo 243 a. ta stipula cu Minister encarga cu Justicia por encarga un
instituto como punto di Conseho y pa Meld (advies y meldpunt)
den caso di abuso y maltrato di mucha. Den puntonnan a. te cu f. e tareanan di e
“advies y meldpunt” ta ser describi.
E punto pa meld y conseho ta duna conseho ora di sospecho di abuso,
ta haci investigacion ora di sospecho, ta stipula ki stapnan mester ser tuma, ta
pone otro instancianan na haltura pa proteha e mucha en cuestion, ta registra
casonan y sospechonan di casonan di abuso y maltrato, ta pone dokter of esun
cu a meld na haltura di e stapnan cu a tuma den e caso.
Den Articulo 243 b. ta regla cu e meldpunt no por duna informacion di e origen di
aanmelding. Esaki pa stimula cu kehonan ta ser duna.
Articulo 243c. ta stipula cu esun cu a base di su trabou constata casonan di abuso, no ta obliga di pidi permiso di e cliente pa duna informacion den caso e victima ta core peliger of pa termina e situacion di abuso. Aki e derecho di e mucha y su proteccion ta importante.
E Meldpunt aki na anja 2016 a ser discuti ampliamente cu e minister di Justicia, di Asuntonan Social y di Salubridad pa nan ta riba un linja pa mehora e ley y su funcionamento.
Un otro articulo cu Wyatt-Ras a menciona ta Articulo 247. cu ta trata e outoridad di mayornan of ouderlijk gezag. E outoridad di mayornan ta ensera obligacion di e mayor di cuida y educa e mucha. Nan tin cu carga responsabilidad pa bon cuido y educacion y zorg pa e bienestar fysico y mental di e mucha y su seguridad, tambe pa promove desaroyo di su personalidad.
Tambe den cuido y educacion di e mucha mayornan no por uza ni violencia fysico ni mental of cualkier trato denigrante. Esaki ta segun tratadonan internacional saliendo na vanguardia di nos muchanan. Den diferente reunionnan den Reino nos pais a discuti tocante proteccion di derecho di nos muchanan. Alabes nos pais tin cu cumpli cu raportahe na Nacionnan Uni y ta traha hunto cu Unicef pa por garantisa mihor proteccion di nos muchanan.
Pa loke ta trata outoridad di mayornan den matrimonio y tambe pafo di matrimonio y ora di divorcio mester tin outoridad conhuntamente of gezamenlijke ouderlijk gezag, regla den Articulo 251. Tur dos mayor ta haya e outoridad. Ora di discucion huez por dicidi. E ora mayor cu ta cuida mihor pa su yiu lo por haya e outoridad aki.
Den articulo 251a. ta indica cu huez por dicidi diferente pa loke ta trata
outoridad di mayornan den caso di mucha di mas di 12 anja of mas hoben cu por
expesa su opinion.
Den articulo 377a. ta stipula cu e un mucha tin derecho riba omgangsregeling of
un areglo di relacion cu su mayornan. Huez ta dicidi den caso esaki.
Den caso un mucha cu ta sigui estudio y no finalise ora yega 21 anja e mayornan
ta obliga pa otorga costonan di mantencion y estudio ta na edad di maximo di
25 anja. Esaki ta conta tambe pa e stiefouder.
Den articulo 629a. ta regla Verlof di embarazo y parto.
E cambionan describi a ser aproba dor di parlamento varios anja pasa den un initiatieflandsverordening, di cual Wyatt-Ras mes tabata inciador di e cambio di ley. A duna hende muher mas dia pa prome y despues di parto por prepara su mes y por ta cu su baby.
Den articulo 629 b. ta ser regla 2 dia di Vaderschapsverlof . Aki ta reconoce e valor di e tata den relacion cu su yiu y su famia.
Den articulo 657c. ta keda regla cu e mama trahado, despues di parto, por
duna pecho durante 9 luna despues di parto of por kolf lechi, tur esaki durante
ora di trabou den un espacio cu dunador di trabou ta otorga. Esaki ta ensera
25% di e orario diario.
Segun Wyatt-Ras den comienso tabatin hopi resistencia contra di e cambio aki dor di dunadonan di trabou mientras den practica a resulta cu e trahado femenino a keda traha eficiente y no tabatin efecto negativo riba su trabou.
Locual ta ser regla den e ley ta ta trato igual na trabou esta Gelijke behandeling
(articulo 646). Aki no mag discrimina a base di parto ni sexo ni situacion na cas.
Tampoco no por tin conotacion seksual of trato den cual ta denigra of ofendi un otro na pia di trabou (articulo 646a).
Locual tamlbe a ser cambia den ley pa medio di un amienda ta e Geregistreerd
Partnerschap.
Den cuadro di esaki Wyatt-Ras ta menciona su colega di e tempo ey, Sra. De Sousa-Croes, kende a presenta dicho amienda.
E amienda aki a ser cambia y presenta dor di tur lider di fraccion y aproba tambe den Parlamento na anja 2016. Wyatt-Ras y mas colega a sostene y tin otro no. Si personanan cu no ta casa, of sea di diferente sexo of di mesun sexo por yega na areglo di nan bida. Esaki lo proteha cuidadanonan cu a biba cantidad di anja hunto y nunca no tabatin cierto derechonan. Un ehempel simpel ta di un persona cu a biba cu un otro persona pa anja diripente ora cu su pareha ta malo e ta ser saca for di camber dor di famianan di su pareha cu ni tabatin contacto cu nan. Of e no por dicidi pa su pareha y otronan ta bin tuma decisionnan importante sin conoce cu pareha.
Si papia cu hopi hoben den nos comunidad por tende cu un cantidad di nan cu nan no kier casa, den esaki e geregistreerd partnerschap ta duna sosten na e parehanan y garantisa nan derechonan. E discucion tocante e tema aki a bai den un tono negativo, sinembargo esaki no ta necesario. Nos tur ta yiu di DIOS, nos tur tin mesun derecho. Pa pais Aruba e ley aki kizas pa Aruba ta bin dilanti di su tempo pero pa derecho humano e ta importante.
