No ta un sekreto ku muchanan rònt mundu pa motibu di e pandemia di COVID19 a haña retraso grandi den nan desaroyo i formashon pa ku skol i parti sosial. Kòrsou meskos ku otro partinan di mundu tambe a konosé e situashon despues di lockdown aña pasa i ku mester a adaptá lèsnan di skol pa motibu di pandemia. Hulanda a anunsiá ku nan lo bai invertí algun mion florin di sosten pa duna e muchanan bijles den materianan ku e muchanan a kai atras den dje. Mirando nos situashon finansiero delikado esaki lo ta kasi imposibel pa nos por ferwagt di e dosentenan pa duna e ekstra sosten aki sin kompensashon manera ta pasa na Hulanda i otro paisnan. Hulanda algun aña a introdusí un asina yama “vakantiescholen” pa yuda e muchanan ku a kai atras ku máksimo 2 materia pa yudanan pa nan pasa pa e siguiente klas sin mester keda sinta.
Na analogia di e maneho aki por ehèmpel Merka tin den su sistema di enseñansa i awor Hulanda tambe a kuminsá introdusí pa skolnan ku ta deseá esaki. Ta e momento ku nos tambe mester kuminsá pensa pa introdusí esaki pa por atendé ku e retraso di COVID19 i futuro.
Aki na Resientemente Minister Steven Croes a laga hasi un sondeo kon e retraso aki ta serka nos muchanan.
Den kuadro di esaki sra Mc William ta hasi e siguiente preguntanan:
1.Kiko ta e resultado di e sondeo di retraso di nos muchanan na skol?
2.E sondeo aki ta basa riba e parti kongentivo so òf esun sosial tambe?
3.Kon Minister tin pensa pa yuda e muchanan aki ku e retraso aki ?
4.Minister ta kere ku lo ta un posibilidat ku den kuadro di e akuerdo polítiko por hasi un petishon pa un supsidio na Minister Engelshoven pa yuda ku e retraso eskolar /emoshonal aki?
