Den oranan di mainta personal di Arikok manera tur dia ta vigila e area di Parke. Awe pa sorpresa a tuma nota cu tabatatin algun paki cuadra ta drief den lama , pero tambe tin algun cu a yega tera. E personal di Parke Arikok a bati alarma mesora na polis. Di e manera aki central di polis a manda un patruya pa mira kico ta pasando y tambe vocero di polis Lito Lacle a bay mira e situacion di loke ta pasando. Ta trata aki di algun paki di droga cu ta paresido na marihuana cu a keda constata. Te na e momentonan aki a encontra algun paki , pero riba lama tin algun mas. Lama ta hopi bruto y ta haci dificil pa autoridad por yega nan nan.
Pa Cuerpo Policial por resolve mas caso cooperacion y informacion di pueblo di Aruba ta hopi importante pesey nos ta pidi si bo tin cualkier informacion jama nos tiplijn: 11141. Nos ta garantisa cu bo ta keda anonimo.
