Hulanda hunto cu, Aruba, Corsou y Sint Maarten a formula un protocol pa e refuerso di e control di frontera. Den e protocol a wordo palabra pa, en todo caso, durante di 7 aña hasi un invercion extra den e control di frontera.
Na fin di 2020 Aruba, Corsou y Sint Maarten individualmente cu Hulanda, a jega na un acuerdo politico, den cual, banda di e sosten financiero durante mas aña, tambe ta desea un reformacion (inclui recientemente den e agenda di ehecucion establese). Un parti di esaki ta e medida pa reforsa e control di frontera. Tambe a haci palabracion tocante di e colaboracion entre e servicionan na e frontera local y Hulandes.
Hulanda structuralmente lo facilita un suma te cu € 30,5 miyon pa asistencia di Marechaussee (Kmar), Aduana Hulandes y e Guarda nos Costa di e aerea Caribeño, pa reenforsa e control di e frontera di e Paisnan Caribeño di Reino Hulandes. Cu e fondonan aki lo facilita entre otro Guarda nos Costa, por ta 24/7 disponibel. Hulanda, banda di e recursonan structural, tambe lo pone recursonan incidental disponibel pa invercionan den material, personal y e facilidadnan di e servicionan na frontera.
E meta di e protocol ta pa frena criminalidad (subverti) organisa transnacional cu ta surpasa e fronteranan den Reino Hulandes. E servicionan di frontera local y Hulandes, hunto lo traha riba un plan di acción pa cada pais. Siguientemente e planan aki lo wordo evalua cada tres aña, renoba y wordo estabelece di nobo. E medidanan cu ta resulta di e plannan di accion ta di importancia pa funcionamento di un estado di derecho, y ta e condicionan pa e desaroyo economico, y cu ta contribui na e sostenibelidad di e finacias publico y ta vigila e legilidad di e gastonan.
