Djabièrnè 15 di yanüari último, Sekretario General di ‘Association of the Caribbean States’ (ACS), sr. Rodolfo Sabonge, a tene un kombersashon di kortesia via Zoom ku Promé Minister Rhuggenaath. Promé Minister Rhuggenaath a felisitá e Sekretario General ku su nombramentu i a sigur’é di duna sosten total.
Durante e kombersashon, a trata temanan manera entre otro desaroyo ekonómiko, transporte i e ròl di Kòrsou den ACS. Tambe a hiba un interkambio amplio riba e tópikonan di turismo, transformashon digital i protekshon di Laman Karibe.
Sekretario General Sabonge a partisipá ku el lo bai traha na krea espasio pa tur miembro di ACS traha mas estrecho na desaroyo duradero di nos region. “Nos ke pa tur pais traha huntu; un tim, un mishon. Esei lo ta e yabi pa nos tur move huntu den e mesun direkshon.”
