E vacunanan desaroya y produci pa e virus di COVID-19, ta hacienda uzo di un tecnologia nobo. E ta un desaroyo cu dr. Carlos Vallejo a sigui di cerca den henter e pandemia cu ta asota mundo. Den henter e desaroyo aki, farmaceuticonan a inverti miyones di dollar pa simula (imita) e proteina S cu ta esun cu ta bay introduci den e curpa humano, cu e vacunanan cu a desaroya.
Asina por ehempel e vacuna traha na Gran Britania door di Oxford cu yama Zeneka tin particulanan di RNApero den un cuerpo viral. Esaki ta loke tin hinca den e vacuna.
A saca e RNA di e likido di verkoud di e chimpase. Ta hinke den un virus conoci como “mensahero”, transportador di informacion di e RNA, cual ta bay den e curpa y asina e curpa humano ta forma e anticurpanan pa e virus. E ta un combinacion di algo natural y otro elementonan traha.
Phizer / Biotech y Moderna a fabrica den laboratorio un Sistema pa produci e RNA den forma sintetico cu un codiga pa e curpa humano cu haya e vacuna ta capaz di produci e proteina S, cual proteina tin den a pianan di e virus cu ta haci cu e por integra den e celnan humano. Cu e pianan (ta e yabi) pa habri e Sistema humano y drenta pa cuminsa reproduci mes den forma continuo.
Cu e vacunanan nobo aki, e proteina ta wordo produci den e mesun curpa pero cu elementonan sintetico. Nada di e vius mes. E vacuna ta practicamente sintetico, solamente e parti di RNA den dje. Te na e momentonan aki na mundo no a aplica un vacuna sintetico, di RNA so, el a crea mucho noticia falso. E ta algo nobo.
Berdad, segun Vallejo, a test esakinan riba 20 mil habitante. Pero mundo tin algun biyon di habitante cu ta completamente diferente na cada continente. E vacuna di Reino Uni ta uza RNA hinca den un DNA cu ta e virus mensahero (un virus cu a saca cosnan for di e dje pa e perde su efecto y traha cu ne). E vacunanan uza door di Phizer / Biotech y Moderna ta vacunanan crea den laboratorio.
