Tourism Corporation Bonaire (TCB) ta anunsiá ku Boneiru ta habri atrobe pa yama bon biní na turistanan for di Merka ku buelonan direkto for di Atlanta, Miami, Houston i Newark, kuminsando for di febrüari 2021.
Delta a anunsiá ku lo bini ku e promé vuelo direkto riba 6 di febrüari 2021. Delta ta bai bula un
bes pa siman riba djasabra for di Atlanta (ATL). American Airlines i United Airlines ta planiá pa bin Boneiru riba 13 di febrüari 2021. American
Airlines lo bula dos bes pa siman riba djasabra ku vuelonan direkto for di Miami (MIA).
United Airlines lo bula 1 bes pa siman riba djasabra ku vuelonan direkto for di Houston (IAH) i
Newark (EWR). Ta obligatorio pa pasaheronan demostrá un PCR-tèst negativo di COVID-19 no mas bieu ku 72 ora promé ku e orario di yegada. Tambe pasaheronan ta obligá pa yena un deklarashon di salú
48 ora promé ku salida pa Boneiru. Pasaheronan ku no por demostrá un PCR-test negativo, ta
ser obligá pa bai 10 dia den karantena riba propio gastu. Pasaheronan por hasi un test di PCR òf
‘antigeentest’ na Boneiru pa asina por kumpli ku e eksigensianan di CDC pa regreso.
Tourism Corporation Bonaire ta trahando aktualmente ku Diamond Public Relations riba
diferente kampaña di merkadeo pa e merkado Merikano.“Nos ta sumamente kontentu ku nos por kuminsá bèk ku nos kampañanan di merkadeo i aktividatnan pa e merkado Merikano. Merka ta un di nos merkadonan mas importante kaminda un gran parti di nos amigunan sambuyadó i embahadornan ta prosedente, tambe mayoria ku ta bishita Boneiru tur aña, segun Marjolein Oleana – Business Manager TCB”.
