Parlamentario Endy Croes ta precupa cu e manera clandestino y skondi cu Hulanda ta manda su representantenan esta Vertegenwoordiger van Nederland ( VNO) di Aruba David Abrahams y tambe esun di Corsow y otro islanan Erwin Arkenbout reuni na un manera misterioso cu e Directuer di Schiphol Groep Joost Meijs y Board di AAA. Tabata den ultimo kwartal di aña momento cu empleadonan di AAA ta pasando den angustia di nan bida cu un agenda “berde” di Hulanda mei mei den Pandemia pa introduci (2) Rijkswet mesun momento a usa e Pandemia tambe pa kita un cantidad di empleadonan for di AAA. No solamente a kitanan pero a forsa nan di tal manera poniendo nan lomba contra muraya unda gusta of no diferente a firma e pakete forsosamente pa sali for di e miseria di AAA. Berdad unaves Bo firma bo a acepta. Algun ta bringando te final ainda. Den tur esaki por a tuma nota un atardi masha scondi di presencia di ambos Vertegenwoordiger van Nederland kendenan a jega airport y a drenta na un manera masha misterioso via e porta di patras. David Abrahams y Erwin Arkebout a duna instrucion den nomber di mama Hulanda y Knops na Directeur Joost. Nos por a compronde cu nan a duna Joost “luz berde” pa dal bay masacra nos Arubianonan cu ta luchando pa nan pan mei mei den Pandemia. Segun por a compronde cu a brinda Joost tur sosten pa bay man duro contra empleadonan te hasta contra gobierno. Den e deal aki pa Joost cumpli cu e trabou sushi Joost ta wordo garantisa un otro trabou cu bon salario si dado caso cos pega cune y cu pueblo lanta pa core cu Joost den mal ordo. Te awor Joost ta wheel and deal. Di 25 di December pa 31 di December 2020 di acuerdo cu informacionnan extra oficial a jega un total di 163 buelo Aruba tresiendo 12602 pasahero den 7 dia. Esaki sigur ta muestra di recuperacion hopi mas optimismo cu tur calculacionan hasi. Schiphol Groep so ta cobra 3 miyon pa aña entre CEO(Joost)-Adviseur y Comissie. Pues aki tambe tin hopi vet pa corta. Parlamentario Endy Croes ta lamenta masha hopi cu Knops ta hunga su cartanan via representantenan di Hulanda di VNO pa asina mete interno den companianan estatal di gobierno di Aruba den e momentonan mas dificil cu henter pais Aruba ta pasando aden. Adhunto un potret capta momento cu David Abrahams y Erwin Arkenbout na un manera “stiekum” ta bayendo e reunion cu Joost Meijs. Akinan Hulanda a lubida lokual e mes ta propoganda esta transparencia. Of transparencia ta conta pa gobierno di Aruba so? Nos wowo ta tur caminda!!
