Dr. Horacio E. Oduber Hospital tabatin e privilegio di ricibi bishita di e Secretario di Estado pa Asuntonan Interno y Relacionnan den Reino, esta sr. Raymond Knops. Un bishita unda sr. Knops sigur a demonstra hopi interes y alabes tabata impreshona den e cuido cu Hospital di Aruba tin pa ofrece. Sr. Knops tabata kier a enfoca durante e bishita aki na HOH riba e cuido pa cu Covid-19 y pues a hinca un recorido cortico compaña pa un presentacion di algun punto importante. Un bishita cortico pero sigur fructifero cu tabata bou di guia di Hunta di directiva conhuntamente cu team di specialista y maneho di Hospital.
E bishita a cuminsa cu un recorido cortico riba B3, esta e departamento cu actualmente ta brinda cuido na e pashentnan cu Covid-19 y alabes a sirbi como e localidad na momento cu mester a expande Cuido Intensivo. E expansion aki sigur no lo tabata posibel sin e ayudo cu Hospital y Aruba a ricibi di Hulanda pa loke ta material y personal. Riba B3 mr. Knops a papia cu hefe di departamento, specialista y tambe un nurse. Siguientemente a sigui pa LabHOH unda a duna informacion con a set up e departamento di Microbiologia cu awe por ta sumamente orguyoso di e rapides cu e pashent y turista ta haya resulltado dspues di a haci e PCR test. Ultimo luga cu a bishita tabata departamento di Cuido Intensivo na unda hefe di departamento a duna detayes di e cuido ofreci na pashentnan cu y tambe sin Covid-19.
Por ultimo a prepara un lunch cu su toke crioyo na unda di biaha a hiba presentacion diferente persona clave di Hospital. Nan a duna informacion tocante e cuido y calidad cu HOH ta ofrece. E diferente cambionan cu ya a tuma luga durante añanan pa por yega na un Hospital sostenibel. Sigur mester a toca e tema un rato tocante e consecuencianan cu lo por tin a largo plaso si sigui corta den cuido medico y por ultimo a papia tambe tocante e cooperacion den region. Hospital kier a gradici sr. Knops y e delegacion completo pa un tremendo bishita y aunke cortico sigur sumememente fructifero.
