Aña ta habri cu super bon noticia pa pais Aruba y muy especial pa Shanayah Howell. UCI seccion Super Cross Elite BMX a update e ranking mundual di BMX y ata nos orguyo nacional ta figura stabil ariba puesto nr9. Actualmente Shanayah ta ranking tambe como nr 1 pa clasifica como athleta individual pa Olympiada 2021. Esaki sigur ta un resultado historico pa e deporte di Cyclismo aki na Aruba y Antias. Shanayah apesar di e crisis di Covid 19 Shanayah no a para ketu y a sigui train normal y a hasi tremendo debut den su competencianan na final di aña pasa. Shanayah su meta ta pa logra Clasifica pa e weganan Olympico 2021 na Tokyo Japon. Sin Duda por mira cu Shanayah su entrenador profesional Sr. Pedro Estaba ta hasi un tremendo trabow. Tambe COA y AWB ta support Shanayah Howell all out pa logra miho resultadonan y su meta pa logra Clasificasion Olympico 2021. Masha Pabien Shanayah Howell y Aruba.
