E preso Lloyd no a haya chens di hala rosea of aire liber despues cu el a huy di KIA. Personal di CEA a tira man riba dje.
Tabata algo despues di 2’or di merdia cu KIA a bati alarma na warda di polis San Nicolas cu un preso a caba di huy. No a menciona con esaki a sosode, of di ki banda el a sali. A seya henter e area di KIA mes, mientras cu un parti di e personal hunto cu Polis a cuminsa peña e area rond di e luga.
Mester bisa cu a nota su fuga hopi lihe pa cual por a mobilisa rapidamente y cu e mesun rapides a logra gara e mucha homber Lloyd aki.
E no a logra yega mucho leu, pasobra na mas o menos 1 kilometer di e prison a haye bek y a hibe di biaha. Su estadia den e dianan aki sigur ta den cashot, como castigo pa loke el a haci.
Autoridadnan no a informa pa ki delito e ta cera den KIA.
