Awe 3 di januari 2021 pa ta exacto 4 or di atardi staatsecretaris Raymond Knops a yega Boneiro den avion di priva di Hulanda. Su bishita na e silanan den caribe Aruba, Boneiro y st maarten ta cominsa for di 3 di januari te cu 7 di januari 2021. Gezaghebber Edison Rijna y staatsecretaris interino Jan Helmond lo busca staatsecretaris Raymonds Knops na airport. E lo reuni cu conseho insular y colegio ehecutivona Boneiro. Tambe lo nan sinta cu jong profecionalnan y despues lo haci un bishita na LVV.
Despues di e reunionnan Staatsecretaris Raymond Knops lo viaha pa Aruba y lo keda busca na aeropuerto dor di representante di reino Hulandes interino na Aruba David Abrahams. E prome reunion lo ta cu gobernador di Aruba y asina haci un bishita na Hospital di Aruba .
Tambe lo reuni cu prome minister di Aruba Evelyn Wever Croes, minister di husticia Andin Bikker,Ministerraad y procurador general. Tambe Staatsecretaris Knops lo haci bishita entre otro na Rode Kruis, Aruba Hotel and Tourism Association (AHATA) y banco di cuminda aki na Aruba pa asina haya sa mas di e situacion y nesesidad door di COVID 19 na Aruba.
Despues di Aruba e mandatario lo bula pa st Maarten unda cu e ta sera su reunionnan den caribe. Knops lo reuni cu gobernador Holiday y prome minister di St maarten sra Jacobs riba diferente puntonan riba agenda. Despues di St Maarten e mandatario ta bolbe bek Hulanda den su avion priva.
