Awe ta hiba pa su ultimo luga di descanso e fayecido lider politico Benny Nisbet. Ela fayece diasabra ultimo den dr. Horacio Oduber Hospital di cancer.
A rindi awe honor na Nisbet, ex parlamentario y ex minister, pasando cu su corteho dilanti Parlamento y sede di gobierno unda el a para un pa e haya su saludo oficial.
como Benny, a nace na Aruba dia 21 Juli 1953 y a cuminza traha na comienzo como un ambtenaar, trahando na Corte di Prome Instancia te cu aña 1976. Den e tempo ey el a subi lista politico di PPA pa despues bira Parlamentario cu su 28 aña.
Nisbet tabata un persona cu tabata conoci pa ta semper bon documenta. Semper cu su documentonan na man pa ilustra cu esakinan loke e tabata papia di dje.
Den su bida el a haya dos condecoracion cualnan ta Ridder in de Orde van de Nederlandse Leeuw y ‘Commandeur in de Orde van Oranje-Nassau’. E ultimo aki ta masha poco hende di Caribe a haya esaki.
E ta conoci pa su trabou como mandatario di telecomunicacion y tabata encarga cu e cartera aki ora cu a lansa na maart 1994 e servicio di celular na Aruba.
Na su famianan ta bay un biaha mas palabranan di hopi forsa.
