E temporada di fin di aña ta un temporada cu hopi di nos ta pensa riba fiesta y alegria pa ta hunto den harmonia di famia . Sinembargo e aña aki tur pais rond mundo ta celebra esaki diferente y cu hopi reglanan pa cuida nos propio salud. Aruba a celebra Paso y awor ta na caminda pa celebra fin di aña. Klapchinan a yega Aruba y e momento pa reparti esaki tambe a yega. Rubin Ponson Specialista den explosivo na DOW ta esun cu ta haci control den e temporada aki. Lo cuminsa reparti e klapchinan dia 27 di december madruga pa asina por cuminsa bende esakinan den oranan di mainta.
