Pering(Perret Ingenierosde Caracas), e empresa Venezolano maneha pa e rumannan Alberto y Irwin Perret-Gentilta celebrando nan di 70 aniversario e aña aki, di cual nan tin 20 añana Aruba. Peringa desaroya Oceania I y II, Blue Residences y Azure Residences na Palm Beach, y actualmente Harbour House den Oranjestad.
Como President Honorario y Tesorero di Aruba Nuevo Mundo Foundation, un organizacion cu a beneficia hopi di e contribucionnan cu e empresa Pering a haci na Aruba, mi ta uza e occasion aki expresa nos aprecio pa tur loke nan a haci pa nos y pa Aruba riba diferente tereno.
TerenoCultural:Ademas di contribui personal y recursonan pa recauda fondo pa Aruba Nuevo Mundo Foundation, e rumannan Perret-Gentil a sostene Aruba Symphony Festival generosamente cu contribucion monetario y cu apartamento GRATIS, durante tur cinco Festival, pa hopi maestro y artista invita cu nan famia. Sin calcula balor monetario di e contribucionnan,mi por bisa cu si no tabata pa e sosten di e Venezolanonan, niun Aruba Symphony Festival por a wordo teni.
TerenoEconomico:Ningun hende por duda cu e casi 500 condominionan cu Pering a construi a contribui grandemente na e crecemento di turismo na Aruba y asina yuda nos economia. E inversion cu Pering a haci aki ta core den miyones di dollar. Uzando contratista nan local pa tur e proyectonan, Pering a crea empleo pa centenares di Arubiano durante construccion di e propiedad nan y otro centenares pa opera y mantene nan. E proyecto Harbour House na Weststraat den curazon di Oranjestad,eventualmente lo resulta den restauracion di unparti di Oranjestad hopi importante pa turismo crucero y tambelo yuda realiza un deseo di gobierno pa stimula mas actividad den center di stad. E piscadonan di Aruba tambe lo beneficia grandemente di tur e renobacion, restauracion y adicionnan cu ta wordo haci den e area eybou di supervision di Aruba Ports Authority.
Pa haci propaganda pa Aruba como destinacion turistico,e rumannan Perret a laga imprimi y a repartigratuitamente“Aruba – Point to Point,”e buki di e fotografo Venezolano renombra internacionalmente Federico Cabello.
Tereno Social: Hunto cu otro inversionistanan Venezolanona Aruba, e rumannan Perret a forma e grupo PANA (Pa Amor di Nos Aruba). E palabra ‘pana’ tambe ta wordo uza pa indica ‘amigo’ na Venezuela. PANA a mustra hopi Amistad di Venezolanonan pa nos comunidad. PANA a patrosina e programa Sinterklaas Riba Caya (reparticion di regalo pa muchanan di famia pober) y nan a regala materialnan di scol na Cayena Kleuterschool y e scol di San Nicolas. E aña aki, PANA a contribui generosamente na e Heroes Program pa sostene esnan na frente di e lucha contra e pandemia Covid-19. Aña pasa Pering a financia 100% di e gastonan di publicacion di un buki pa recauda fondo pa Koningin Wilhelmina Fonds como un contribucion na e fundacion cu ta yuda combati y preveni e malesa cruel.
Pabien Perret Ingenierosde Caracas, cu boso 70 aña. Pabien, Alberto y Irwin, y masha danki pa boso contribucionnan na nos Aruba stima.
