Na ocasion di su 80 aniversario, Prins Bernhard Cultuurfonds (Hulanda) a pone un suma di €80.000,- na disposicion di Prins Bernhard Cultuurfonds Caribisch Gebied (‘PBCCG’).
E contribucion akí ta un forma di reconocemento di e echo cu en efecto e Fondo di Cultura (Hulandes) a nace aki na Caribe. Cu e gesto aki e Fondo di Cultura (Hulandes) kier consolida e vínculo historico entre e dos organisacionnan y un biaha mas demostra su aprecio pa e trabou cu PBCCG a bini ta desplega na e seis Islanan Caribeño, cu ta forma parti di Reino Hulandes.
PBCCG ta supraya e vínculo historico y ta expresa su sincero gratitud pa e contribucion. E danki di parti di Fondo di Caribe ta particularmente dirigi na sra. Adriana Esmeijer, kende despues di 20 aña di dedicacion fiel na interesnan cultural di e Islanan Caribeño, ta bai tuma despedida di e Fondo di Cultura di Hulanda, y nos ta yama bon bini na e directora nobo, sra. Cathelijne Broers.
