Minister Andin Bikker den conferencia di prensa a elabora riba algun punto entre nan e maneho di DIMAS cu a keda anuncia ultimamente . Segun e mandatario desde 13 di maart Aruba y mundo henter a keda confronta cu e pandemia cu a afecta nos economia grandemente. Nos economia pa aña ta atende cu mas of menos 15 pa 16 mil peticion nan di permiso nan , y e economia ey a depende grandemente di turismo y esey a trece cu ne cu den e ultimo lunanan gobierno a bin ta sostene diferente compañianan cu diferente persona nan cu ainda ta cobra un fraccion di loke cu nan ta cobra normal, pero tambe tin compañia nan cu mester a baha nan cantidad di empleado nan y hasta ta haña compañia nan cu mester sera nan porta. Segun Minister Andin Bikker esaki ta pone cu e mercado laboral ta depende grandemente di labor importa. Esey ta pone cu mester evalua un rato den cua direccion mester bay cu ta miho pa Aruba. Pa es motibo aki mes a bin cu un commicion cu den e ultimo dia nan aki a bay profundisa nan mes , haci un analisies profundo di e mercado laboral , e ta un maneho coherente paso ki direccion pa sa unda pais Aruba ta y unda e kier bay ta nesesario. Un di e aspecto nan cu a ripara ta cu hopi persona a expresa e deseo cu nan kier bay bek nan pais di origen y asina a bin ta intruduci e regreso boluntario unda cu e siman aki ta bay tin un di 5 vuelo cu lo tuma luga pa Venezuela unda cu cantidad grandi di Venezolano nan kier bay nan pais. Sinembargo esaki no ta conta pa e venezolano nan so pero pa e otro isla nan den region e ta conta mes un cos cu boluntariamente nan lo kier regresa nan pais nan por haci esaki
Lo sali un di 5 vuelo pa esun cu kier regresa nan pais bek boluntariamente
