BonaireFeaturedInternacional

A prolongá prohibishon pa buelo for di Merka te ku 15 di yanüari 2021

Flamingo Airport Bonaire

Kralendijk – A prolongá e prohibishon pa pèrmití buelo direkto for di Estadonan Uní di Merka pa Boneiru te ku 15 di yanüari 2021. Esei a sosodé riba konseho di e ministerio di Salubridat Públiko, Bienestar i Deporte (VWS). Esei gezaghèber Edison Rijna a anunsiá. Ta prolongá e prohibishon di buelo komo ku VWS ta haña e situashon di COVID-19 na Estadonan Uní di Merka preokupante. Na Hulanda tambe tin restrikshon pa merikanonan ku ke drenta e pais. Ta atmití nan na Hulanda solamente si nan ta kai den e kategoria di eksepshon.

For di mart e aña akí no a aterisá ningun buelo for di Estadonan Uní di Merka na Boneiru. Turismo for di e pais akí ta importante pa Boneiru. Boneiru ta konfrontá entrada desepshonante for di dia ku a limitá tráfiko aéreo. Kolegio Ehekutivo a manda un karta 16 di novèmber 2020 pa diferente ministerio na Den Haag. Den e karta a súplika pa eliminá e prohibishon di espasio aéreo pa Estadonan Uní di Merka i Canada, pa asina por reanudá e tráfiko aéreo akí atrobe.

Flamingo Airport Bonaire

Related posts

FTA a biaha pa Colombia pa fortifica lasonan y traha caminda pa siguiente generacion

EA News Author

Quito Nicolaas: Reforma di e mercado laboral

EA News Author

Aruba debe Hulanda 1500 miyon florin cu ta madura na oktober 2023 y pesey mester haya claridad mas lihe posibel riba e condicionnan pa paga bek

EA News Author

Leave a Comment

Whatsapp Message