Parlamentario Endy Croes a puntra su mes si nos mester hari, yora of kere Mike de Meza? Dialuna ultimo Promer Minister Evelyn Wever Croes tabata na Parlamento pa duna un update di e status di e destaho publico alrespecto entre otro Refineria. Durante e Openbare Bijeenkomst aki Promer Minister acompaña pa hender e Advisory Board a duna splikacion amplio con e proceso a encamina y cu e recomendacion di e Advisory Board final na Gobierno di Aruba y Promer Minister ta dos compania. Tanto Quanten LLC y Eagle LNG.
Quanten LLC ta para pa hasi un inversion di 3.5 miyon us Dollar:
Promer Minister a duna un splikacion amplio y e partinan technico e proficionalnan den Advisory Board a contesta esakinan. Por a destila despues di e recomendacion final Gobierno/RDA lo bay over na firma un Letter of Intent pa asina inicia e proceso di negosacion pa por yega na un contracto final. Esaki por dura 3 luna. Lokual a resalta cu e compania Quanten LCC y Consorcio tin 3.5 biyon US dollar cu nan por inverti cual lo crea inicialmente rond 2000 cupo di trabou. Un plan hopi elabora y hopi technico. Lo bria un refineria state of the art den un combinacion di productonan cu lo hasi esaki uno hopi competitivo riba mercado. Pa lokual ta Eagle LNG ainda falta un proceso pa yega na un acuerdo y contracto cu WEB y tin su caminda pa cana ainda.
Mike de Meza a duna Promer Minister conseho publico:
Mike de Meza a hiba palabra y a conseha Promer Minister pa ta hopi cauteloso. Tambe a purba splika cu e storia di 3.5 Biyon dollar no ta realistico. Sin sa kiko ta come y bebe di henter e plan y proyecto actual. Si Mike de Meza tabata asina cauteloso tempo e mes a firma contracto cu CITGO Holding Aruba e por a skapa pueblo masha hopi plaka mes si nan no tabata asina “goloz”. Mike de Meza tabata cauteloso pa bula den jet priva bay Housten hunto cu Paul Croes y Richard Arends pa negosha contract cu CITGO? Mike de Meza tabata cauteloso ora el a “wine and dine” na apartamentonan luhoso di Roberto Rincon? Mike de Meza tabata cauteloso momento a festeha 3 apertura di CITGO malgastando 20 miyon florin den 2 aña sin cu nunka CITGO a refina ni 1 solo bari di crudo? Mike de Meza tabata cauteloso ora a subi jet priva bay serca Maduro na Venezuela pa festeha su contracto cu CITGO fantasma? Mike de Meza tabata cauteloso ora el a firma cu CITGO Holding Aruba LLC ( un compania lanta den pura y blo bashi sin plaka) enbes di a firma cu esun cu tabata tin e plaka mes esta CITGO Petroleum Corporation di Housten? Mike de Meza por splika pueblo esaki? Mike de Meza tabata cauteloso momento di ricibi segun fuentenan regaldonan manera horloge Rolex? Mike de Meza tabata cauteloso momento a presupuesta entrada di 70 miyon di CITGO den presupuesto di Pais Aruba y pidi Parlamento ( AVP) pa aproba esaki na 2016? Mike de Meza tabata cauteloso pa gasta e plaka presupuesta aki cu nunka a drenta caha di gobierno entre otro cu e fiesta di DESTRA cu a costa mas cu un miyon? Ta con mester tuma e conseho di Mike de Meza aki? Nos mester hari, nos mester yora of nos mester tuma Mike de Meza na serio? Nos ta laga esaki pa pueblo determina!
