Na aña 2015 Marvelyne Wiels no tatin outorisashon kompetí pa bende las di Kòrsou (‘Curaçaohuis’) situá na Badhuisweg na Den Haag. Su firma bou di e akte, tabata kontra di e staatsregeling. No tatin un pèrmit di landsbesluit.
Tampoko Wiels nos a haña niun tarea formal serka gobièrnu di Asjes pa por a bende su kas.
Esaki ta loke Algemene Rekenkamer Kòrsou a raporta kaminda investigashon nan a tuma lugá over di benta di edifisio nan atikua i tambe e kas di Wiels i tambe e kompara di un kas di Kòrsou nobo situá na Prinsengracht na Den Haag.
E benta di e edifisio nan no a bai dor debí ku Staten no a duná pèrmit pa e benta.
Akuerdo
Henter e benta ta parse un akuerdo entre e gobièrnu di Asjes i tambe minister Marvelyne Wiels. Asjes a bai di akuerdo ku e proposishon den Raad di Minister, pero no a kontrola si e e petishon ta kumpli ku tur e rekesito nan ku tin ku kana sigun lei.
E outorisashon di e Raad di Minister pa sera un akuerdo di benta temporal tampoko no a wòrdu formalmente reglá via di landsbesluit.
Marvelyne Wiels a haña instrukshon di e minister di Verkeer en Vervoer di e tempu ei, Sr. Earl Balborda I tambe e Raad di Minister pa bende e kas.
Di e forma ei e la firma un akte di benta temporal i mara e gobièrnu di Kòrsou na e benta ei.
Presupuesto
Minister di finansas no tatin un splikashon ku normalmente ta nesesario pa por hasi un kambio di presupuesto pa por kubri e gastu nan di e edifisio nobo na Prinsengracht. E kambio ei a kosta 4 mion florin. Di tur manera e minister di Bestuur en Planning Etienne van der Horst a firma.
E prosedura pa benta di tereno nan ku ta pertenesé na domein di Kòrsou no tabata notá un kaminda I por lo tanto no ta tur hende tabata na altura di esaki durante di e benta nan aki.
Meta
For di e investigashon ku Rekenkamer a hasi a bira konosí ku e gobièrnu di Asjes no tatin un meta formulá na e benta di edifisio nan aki.
E kabinete di e gevolmachtigde minister tampoko no por a duna un splikashon dikon e benta di e kas di Kòrsou na Badhuisweg i muda bai na Prinsengracht. E benta di e kas no a bai dor, debí ku Staten no a duna su aprobashon. Pesei no tatin daño relashoná ku finansas asina grandi. Di tur manera e proseso a kosta 163000 florin ( 83000 euro).
Responsabilidat.
Rekenkamer a konsega e gobièrnu pa pidi konseho hudisial over di e posibilidat pa laga Ivar Asjes i tambe Marvelyne Wiels para responsabel pa e gastu nan hasí pa e akshon robes pa ku e proseso di e benta di e edifisio na Badhuisweg.
I tambe e gastu nan adishonal di e desishon pa ku e kompara di e kas nobo enbes di hasí mantenshon na e kas nan balor di 3.6 mion florin ( 1.6 mion euro) mester wòrdu poné huntu ku e total sigun Rekenkamer.
