Parlamentario Endy Croes a repasa e reunion publico di diabierna ultimo unda Parlamento a trata cuentanan anual di gobierno relata na añanan 2016-2017-2018. Manera ta conosi cu e gobierno actual a hereda un desaster financiero y un Mega Debe “sin palabras” door di e gobernacion di Mike Eman y AVP. Pueblo a core cu nan na e momento oportuno. Si Mike Eman a bay un gobernacion mas nos ta garantisa cu awe Aruba lo a wordo declara bancarota. Nos tabata na rand di bancarota momento pueblo a dicidi pa cambia rumbo di e pais aki.
Algemene Rekenkamer a bati dede di AVP ferozmente:
Den rapport di Algemene Rekenkamer di 2017 a splika hopi kla cu AVP no a logra e norma stipula den ley. Manera nos ta corda na 2014 gobernador NO a firma e presupuesto aproba pa e 13 “cheersleaders” di AVP e tempo aya. Consecuentemente Hulanda a cay aden te cu a bin cu un ley di LAFT/CAFT pa mara man di Mike Eman. Deficit a alkansa 406 miyon florin pa cu aña 2014.( Por lesa esaki den rapport Banco Central). Den e ley di LAFT a mara man di Mike Eman di tal forma cu mester frena prestamento di plaka y percura pa deficit cuminsa baha. Asina den ley ta ankra cu pa 2015 mester alkansa 3.7% na 2016, 2.0%, na 2017, 0.5% y na 2018 mester yega un Surplus di 0.5%. Algemene Rekenkamer a remarka den su investigacion di cuenta anual di aña 2017riba pagina 5 lo sigiente” De wettelijke tekortnorm is in 2017 NIET behaald.”
Alaves Algemene Rekenkamer a splika” het ontbreken van structurele oplossingen heeft geleid tot een tekortnorm van 2.2%”. Pues enbes di yega 0.5% el a sali 2.2 % como 4 bes pior. Esaki ta un otro golpi duro pa AVP y muestra cu AVP no tabata tin un vision tampoko un maneho corecto pa lokual ta trata finansas publico.
Personeelskosten ta 35% di presupuesto a la sky is the limit:
Riba pagina 15 di e rapport cuenta anual 2017 por a tuma nota cu Algemene Rekenkamer ta splika cu personeelskosten ta e gasto di mas grandi cu pais Aruba tin den su presupuesto. Un total di 35% di e presupuesto ta bay na personal. Esaki ta igual na 474.1 miyon florin durante aña 2017. Na aña 2013 por ehempel cu tabata aña di elecion esaki a alkansa 501 miyon florin na personeel. Rapport di Algemene Rekenkamer di 2017 tambe a amplia splikando cu banda cu Land Aruba su personeelskosten ta 474.1 Miyon pa cu 2017 mester remarca cu Land Aruba ta presupuesta tambe salarisnan pa Hoge Colleges van Staat na 8.1 miyon, Salaris DOW separa na 17.8 miyon, salaris pa Onderwijs personeel separa na 122 miyon y salaris na instancianan cu ta wordo subsidia na 40 miyon. Pues enrealidad personal bekostigd door het Land ta suma 662 miyon florin den aña 2017 cual sigur no ta saludabel pa e maneho financiero di pais Aruba.
Overtime den orde diensten ta remarkabel halto na un total di 26 miyon:
Otro post cu ta remarkabel ta e post “overtime”. Den ordediensten unda KPA, KIA, CEA, y Brandweer ta wordo aloka tin masha hopi gasto na overtime. Esaki a sigui crese desde aña 2014 unda e tabata 21 miyon y a alkansa na 2017 un total di 25.6 miyon na pagonan di “overtime” den e diensten nan aki. KPA por ehempel a paga 12.7 miyon na overtime mientras KIA a paga 4.1 miyon, CEA a paga 2.4 miyon y Brandweer 2.3 miyon tur na overtime. Algemene Rekenkamer a produci na 2019 un rapport separa riba e aspecto aki cu mester di atencion. E Rapport jama Focus Onderzoek en Oorzaken overwerk uit perspectief van KPA, KIA, en CEA. Pronto lo mester atende cu esaki tambe.
All by all rapport cuenta anual 2017 a bati ferozmente riba dedenan di Mike Eman y AVP ilustrando cu e gobierno di AVP a hiba un maneho totalos y na werki y tradusi den un cifra nan a haña un “dikke onvoldoende”.
