Parlamentario Endy Croes ta kere fervientemente den un re-apertura di Refineria cual lo aporta grandemente na nos GDP, lo crea empleao den e momentonan mas pisa cu nos ta pasando aden, lo cotruibi na caha di gobierno y asina yuda Aruba construi un segundo pilar banda di turismo pa nos por sali mas liher cu nos mes a anticipa for di e crisis aki.
Dialuna Awor Promer Minister lo ta den Parlamento:
Dialuna awor 7 di December pa 2pm atardi Promer Minister ta den Parlamento den un Openbare Bijeenkomst pa duna e ultimo detayesnan den e aspecto di e destaho publico cu a tuma lugar. Manera nos por corda desde luna di Mei a bay over na un destaho publico conosi bou Request for Expression of Interest 1 y 2. REOI 1 y 2. Dia 31 di Juli den presencia di Notaris a habri pa promer biaha documentacion di tur interesadornan “online”. Despues e advisory committee a bay over na studia profundo tur esnan interesa y cu a cumpli cu tur e rekesitonan. A selecta 10 interesado pa e proyecto di refineria cu a cay bou REOI 1 y a invita esnan interesa desde October pa bini Aruba y mira e refineria. Finalmente e advisory committee a tuma un desicion final y a manda nan recomendacion final pa gobierno pa esun cu a cumpli cu tur cos y cu tin e plaka pa por hasi inversionnan grandisimo y cu lo ta e mihor deal pa pais Aruba. Ministerraad lo mester a trata esaki siman pasa y dialuna awor. Promer Minister lo ta na Parlamento pa infoma Parlamento di nan desicion final di gobierno alrespecto henter e procedura aki. No lo descarta cu lo por ta trata di un consorsio Americano cu ta carga sosten total di gobierno Americano.
Promer cu aña caba lo tin noticia alentador:
Parlamentario Endy Croes desde inicio di November a proclama cu promer cu final di aña lo bay tin noticia alentador cual lo crea speransa positivo pa henter Aruba. Departamento economico a calcula cu impulso econimico di un refineria den 2021 lo ta 16% cu ta enorme y na 2022 esaki lo aumenta pa 18%. Nos ta contento di por bay scucha noticia alentador dialuna awor den Parlamento y cu pronto un contracto final por wordo negosha y firma cu e ganador den lunanan nos dilanti. Pa maart 2021 nos lo por cuminsa mira movicionan den exeso atrobe riba e tereno di refineria. Nos lo keda pendiente pa e reunion di dialuna awor 2pm den Parlamento.
