su mahestat rei willem alexander a papia ‘online’ ku representantenan di organisashonnan i empresanan ku na boneiru ta dediká nan mes na kombatimentu di e konsekuensianan di e pandemia di corona. Riba djárason 2 di desèmber mainta rei willem alexander a papia ku isidoor van riemsdijk, marie craane, boy clarenda, marian luinstra – passchier i christopher frans.
Isidoor van riemsdijk a kordiná e proyekto di kuminda. Marie craane semper a traha ku dedikashon pa e grupo di persona poko alfabetisá. Tambe el a duna sosten na e grupo akí ku yenamentu i tambe intermediashon di e petishonnan pa fasilidat èkstra. Boy clarenda a traha pa akohida di hende grandi en general i akohida di hende grandi ku pa motibu di nan riesgo di salú no por a bai akohida durante dia. Komo médiko marian luinstra-passchier durante e brote di e pandemia a dediká su mes na kon pa atendé ku e vírùs. Christopher frans a kordiná repatriashon. Banda di esei for di gabinete huntu ku departamento di salubridat públiko el a asistí henter e tim di krísis.
Pa medio di kòmbersashon via telefòn i ‘online’ i kaminda ta posibel pa medio di bishita di trabou, rei willem alexander i reina máxima ta informá nan mes tokante e konsekuensianan di e brote di corona. I nan ta ekspresá nan sosten i apresio pa dedikashon di asina tantu hende den kombatimentu di e pandemia.
Anteriormente ya kaba rei tabatin kòmbersashon via vídeo ku representantenan di sektor médiko i sektor di enseñansa i ekonomia na aruba, sint maarten i kòrsou. Dia 3 di desèmber e ta papia ku esnan enbolbí na sint eustatius i saba ku ta okupá nan mes ku tareanan similar.
